Zabbuli 37
37
Zabbuli ya Dawudi.
Obutatiisibwa abakola obubi
1Toggweebwangako mirembe olw'abo abakola obubi,
So tokwatibwanga buggya olw'abo abakola ebitali bya butuukirivu.#Nge 24:1,19
2Kubanga baliggwaawo mangu ng'essubi,
Baliwotoka ng'omuddo ogumera.#Zab 90:5,6; 129:6
3Weesigenga Mukama, okolenga obulungi,
Beeranga mu nsi, ogobererenga obwesigwa.#Zab 62:8, Is 26:4
4Essanyu lyo linoonyenga mu Mukama,
Naye anaakuwanga omutima gwo bye gwegomba.
5Olugendo lwo oluyiringisizenga ku Mukama;
Era weesigenga oyo, naye anaakuyambanga.#Zab 22:8, 1 Peet 5:7
6Era anaayolesanga obutuukirivu bwo ng'omusana,
N'oyaka ng'omusana ogw'ettuntu.#Is 58:8,10
7Sirika eri Mukama, omulindirirenga
n'okugumiikiriza.
Teweeraliikiriranga abo abatuukiriza okukola ebibi,
Na buli kye bakola nga kibagendera bulungi.#Zab 62:1; 73:3, Is 30:15, Yer 12:1
8Lekanga obusungu, n'ekiruyi,
Teweeraliikiriranga. Ebyo tebivaamu kalungi konna.#Bef 4:26, Yak 1:19
9Kubanga abakola obubi balizikirizibwa:
Naye abalindirira Mukama abo be balisikira ensi.#Nge 2:21, Is 57:13; 60:21
10Mu kaseera katono,
Ababi baliba tebakyaliwo.
Ne bw'olibanoonya we babadde, tolibalabawo.#Yob 24:24
11Naye abawombeefu balisikira ensi,
Era banaagisanyukirangamu awatali kibatawaanya.#Is 32:17, Mat 5:5
12Omubi yeewerera omutuukirivu,
Era amutunuuliza bukambwe.#Zab 31:13
13Mukama asekerera ababi,
Kubanga amanyi nti banaatera okuzikirizibwa.#Zab 2:4
14Ababi basowola ebitala, ne baleega emitego gyabwe,
Okutta abaavu n'abateeyamba,
N'abo abatambulira mu kkubo eddungi.
15Naye ebitala byabwe biritta bo bennyini.
N'emitego gyabwe girimenyeka.
16Ebitono omutuukirivu by'alina
Bisinga obugagga obw'ababi abangi.#Nge 15:16; 16:18, 1 Tim 6:6
17Kubanga ababi, Mukama alibamala amaanyi,
Naye Mukama anyweza abatuukirivu.#Zab 10:15
18Mukama amanyi ennaku z'abo abatalina musango,
N'obusika bwabwe bunaabeeranga bwa mirembe gyonna.#Zab 1:6; 37:9
19Tebaakwatibwenga nsonyi mu biro eby'akabi:
Ne mu nnaku ez'enjala banakkutanga.#Yob 5:20, Zab 33:19
20Naye ababi balizikirizibwa,
N'abalabe ba Mukama baliggwaawo
ng'ebimuli eby'omu ttale.
Balibula; baliggwaawo ng'omukka.#Zab 68:2, Kos 13:3
21Omubi yeewola, n'atasasula.
Naye omutuukirivu akola eby'ekisa, agaba.
22Abo Mukama b'awa omukisa gwe balisikira ensi.
N'abo b'akolimira balizikirizibwa.#Zab 37:9
23Mukama aluŋŋamya omuntu mu kkubo ettuufu,
Era akuuma abo abamusanyusa.
24Ne bwe bagwa tebalemera wansi,
Kubanga Mukama abayamba okuyimuka.#Nge 24:16, Mi 7:8, 2 Kol 4:9
25Nali muto, kaakano nkaddiye,
Naye sirabanga mutuukirivu Mukama gwayabulira,
Wadde abaana be nga basabiriza emmere.
26Bulijjo akola eby'ekisa, n'awola abalala,
N'abaana be babeera ba mukisa.#Ma 15:8,10, Zab 112:5,9, Mat 5:42, Luk 6:34,35
27Vvanga mu bubi, okolenga obulungi,
Olwo olibeerawo emirembe n'emirembe.#Zab 34:14; 102:28
28Kubanga Mukama ayagala ebituufu,
Era tayabulira abo abamwesiga.
Abakuuma emirembe gyonna.
Naye ezzadde ery'omubi lirizikirizibwa.#Zab 11:7; 21:10, Is 14:20
29Abatuukirivu balisikira ensi,
Banaagibeerangamu emirembe gyonna.
30Omutuukirivu ayogera eby'amagezi,
Era bibaamu ensonga.
31Amateeka ga Katonda we gabeera mu mutima gwe,
Era tagaviirako ddala.#Zab 40:8; 119:11, Is 51:7, Yer 31:33
32Omubi atunuulira omutuukirivu,
Ng'ayagala okumutta.
33Naye Mukama talimuleka mu buyinza bwa mubi,
Wadde okumuleka okusalirwa omusango okumusinga.#Zab 109:31
34Weesigenga Mukama, okwatenga ebiragiro bye,
Naye alikugulumiza okusikira ensi.
Era oliraba ababi bwe balizikirizibwa.#Zab 27:14; 91:8
35Nnalaba omubi ng'alina obuyinza obungi,
Era ng'agulumidde ng'omuti omuwanvu ogumeze ku ttaka eggimu.#Yob 5:3; 20:5, Zab 52:8
36Naye bwenakomawo, laba nga takyaliwo.
Namunoonya, naye ssaamulaba.
37Wekkaanye omuntu atalina musango,
olabenga ow'amazima:
Kubanga enkomerero ey'omuntu oyo mirembe.#Zab 119:165, Is 32:7
38Aboonoonyi, balizikirizibwa bonna,
Ezzadde lyabwe ne liggwerawo ddala.#Nge 2:22
39Naye obulokozi obw'abatuukirivu buva eri Mukama,
Oyo kye kigo kyabwe mu biro eby'okulabiramu ennaku.#Zab 3:8; 9:9, Is 12:2
40Era Mukama abayamba, n'abawonya:
Abawonya eri ababi, n'abalokola,
Kubanga bamweyuna ye.#1 Byom 5:20, Is 31:5, Dan 3:17, Bik 12:11
Currently Selected:
Zabbuli 37: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.