Isaaya 55
55
1“Kale ajje, buli muntu alumiddwa ennyonta,
ajje eri amazzi,
n'oyo atalina zigula,
ajje, agule alye!
weewaawo, mujje, mugule omwenge n'amata
ebitali bya kugula ebitaliiko muwendo gwa kusasula.#Nge 9:5, Mat 5:6, Yok 7:37, Is 44:23
2Lwaki musaasanya ensimbi zammwe ku ebyo ebitali bya kulya,
lwaki okuteganira ebyo ebitakkutibwa?
mumpulirize n'obwegendereza, mulye ebirungi,
obulamu bwammwe busanyukire amasavu.#Yok 6:27
3Mutege amatu gammwe, mujje gye ndi;
muwulire, mubeere abalamu;
nange naalagaana nammwe endagaano eteriggwaawo,
kwe kusaasira kwa Dawudi okw'enkalakkalira.#Nge 4:4, Is 61:8, Yer 32:40, Ez 37:26, Bik 13:34
4Laba, mmuwaddeyo okuba omujulirwa eri amawanga,
omukulu era omugabe eri amawanga.#Zab 18:43, Is 9:6,7, Yer 30:9, Mi 5:2, Bik 5:31
5Laba, oliyita eggwanga lye wali tomanyi,
era eggwanga eryali terikumanyi liriddukira gy'oli,
ku lwa Mukama Katonda wo ne ku lw'Omutukuvu wa Isiraeri;
kubanga akugulumizizza.#Zek 8:22,23, Bik 3:13
6Munoonye Mukama nga bw'akyayinzika okulabika,
mumukaabirire nga bw'akyali okumpi:#Zab 32:6, Am 5:4
7omubi aleke ekkubo lye,
n'omuntu atali mutuukirivu aleke ebirowoozo bye;
era akomewo eri Mukama, naye anaamusaasira;
adde eri Katonda waffe, kubanga anaasonyiyira ddala nnyo.
8Kubanga ebirowoozo byange si birowoozo byammwe,
so n'amakubo gammwe si makubo gange, bw'ayogera Mukama.
9Kuba eggulu nga bwe lisinga ensi obugulumivu,
amakubo gange bwe gasinga bwe gatyo amakubo gammwe,
n'ebirowoozo byange ebirowoozo byammwe.#Zab 103:11
10Kuba enkuba nga bw'ekka n'omuzira okuva mu ggulu,
ne bitaddayo, naye ne bifukirira ettaka,
ne birimeza ne biribaza,
ne biwa omusizi ensigo n'omuli eby'okulya;#2 Kol 9:10
11bwe kityo bwe kinaabanga ekigambo kyange ekiva mu kamwa kange:
tekiridda gye ndi nga kyereere,
naye kirikola ekyo kye njagala,
era kiriraba omukisa mu ekyo kye nnakitumirira.
12Kubanga mulifuluma n'essanyu,
mulitwalibwa n'emirembe okuvaayo:
ensozi n'obusozi ziribaguka
okuyimba mu maaso gammwe,
n'emiti gyonna egy'oku ttale girikuba mu ngalo.#Zab 98:8, Is 44:23
13Mu kifo ky'omweramannyo mulimera olusambya,
ne mu kifo ky'omutovu mulimera omumwanyi;
ekyo kiribaawo erinnya lya Mukama limanyibwe,
akabonero akataliggwaawo akataliggibwawo.”#Is 35:1,2; 41:19
Currently Selected:
Isaaya 55: LBR
Highlight
Share
Copy
Want to have your highlights saved across all your devices? Sign up or sign in
All rights are reserved to the Bible Society of Uganda.
