Revelation 1
1
1Ukunani taiguani aglausimarut sut Jesus Christ salapqikkaŋi. Ilaanun God-im qaiñŋagai qiñiqtitquvlugich kivgamiñun sut piñasuaqtuksraupiaqtuat. Christ tamarra iḷitchuġipkaŋagai kivgamiñun John-mun tilivḷugu isaġulini ilaanun. 2Aasii uvaŋa John quliaqtuaġigitka iluqaisa tautuŋaratka. Ukua uvva taiguat quliaqtuatka God-im uqaluŋiñik iḷumun ittuaŋaniglu salapqikkaŋi Jesus Christ. 3Quviasugli iñuk taiguaqtuaq uqaluŋiññik ukua salapqiutit uqaluqaqtuanik piyumaaqtuanik, suli quviasuglich tamatkua tusaaruat kamagivlugiḷḷu sut aglausimaruat taapkunani, qanuq piviksraq qalliruq tamatkua taŋŋiġviksraŋat.
Paġlatit Tallimat Malġugnun Aŋaiyyuviŋñun
4 #
Ex 3.14;
Rev 4.5. Uvaŋa John tuyuqtuŋa ukuniŋa tallimat malġugnun aŋaiyyuviuruanun nunami Asia-mi. Nagliktuusiaqpaqaġitchisuq tutqiunmiglu God-miñ paŋmapak ittuamiñ, taimaŋŋaqaŋa inŋaruamiñ, suli qaiyumaaqtuamiñ, taapkunaŋŋalu tallimat malġugniñ ilitqutchiñiñ sivuġaaniittuaniñ ilaan kamanaqtuat aquppiutaŋisa, 5,6#Is 55.4; Ps 89.27.#Ex 19.6; Rev 5.10.suli Jesus Christ-miñ ukpiġnaqsivḷugich quliaqtuaqtuamiñ, sivulliuŋaruamiñ tuqqunmiñ aŋŋiñmi, suli atanaurauruamiñ umialipayaaŋiñun nunam. Jesus piviuttaġiŋagaatigut, aasii tuquvluni atanniqsimaraiŋagaatigut piḷuutiptiŋnik, aasii katiłłuta atanniqsimaviŋmiñun aŋaiyyuliqsiqpautquvluta savautilugu ilaan God-ini Aapagikkaniḷu. Jesus Christ nanġaqtauli naluruuraaŋaiqsauluniḷu suaŋŋatiqpaqaqtilaaŋa taimuŋa isuitchuamun. Amen.
7 #
Dn 7.13; Mt 24.30; Mk 13.26; Lk 21.27; 1 Th 4.17;
Zec 12.10; Jn 19.34, 37;
Zec 12.10; Mt 24.30. Iḷisimasitchi uvva, ilaa qaiñiaqtuq nuvuyatigun, aasii iñupayaat tautugniaġaat iluqaġmiglu kapiriŋisa. Suli iluqaġmiŋ iñuŋi nunam uiġualaniaqtut isumaaliqpaiḷḷutiŋ ilaa pisigilugu. Tainna piḷi. Amen. 8#Rev 22.13; Ex 3.14.Uvaŋa Alpha-uruŋa Omega-uruŋalu, aullaqisaaq isuuruaġlu, uqaqtuq Ataniq God, ittuaq inŋaruaġlu qaiyumaaqtuaġlu, Sapiġñaqtuaq.
Qiñiqtuuraaq Tautukługu Christ
9Uvaŋa John-guruŋa, aniqatiksi atausiŋŋuqatauŋavluŋa piqatigigivsi nagliksaaġutini pisigivlugu Christ, piqatigipkaqtuaq ilivsiññun atanniqsimmanmiñi, suli piqatigipkaqłuni ilivsiññun qimmaksaliyairrunmi Jesus Christ pigipkakkaŋani uvaptiŋnun. Qikiqtamuktitauŋaruŋa atiqaqtuamun Patmos-mik pisigivlugu alġaqsruiñiġa God-im uqaluanik pisigivlugulu quliaqtuaqaġniġa iḷisimakkamnik Jesus Christ-kun. 10Uvluani aŋaiyyuvikaapta Ataniġmun Ilitqusiġiksuam aŋalanŋagaaŋa, aasii tusaaŋaruŋa nipatuvluni nivliqsuamik tunumniñ tusaaruni nipauqłuktautitun ittuam, 11uqallaktuaq, Aglautikkich sut tautukkatin makpiġarriḷugich aasii tuyuġilugich tallimat malġugnun aŋaiyyuviŋñun, Ephesus-mun Smyrna-mullu Pergamum-mullu Thyatira-mullu Sardis-mullu Philadelphia-mullu Laodicea-mullu.
12Tavrani kiŋiaŋaruŋa tautuksaqługu uqaqtuaq uvamnun. Tavraasii kiŋiaqama tautuŋagitka tallimat malġuk kaviqsuaniñ maniŋñiñ qulliqaġviḷiat. 13#Dn 7.13; Dn 10.5.Aasii qitqanni qulliqaġviich ittuaq Iġñiŋatun Iñuum, annuġaaŋavluni akuqturuamik isigagmiñun aglaan, suli satqagutiqaqłuni kaviqsuamiñ maniŋmiñ. 14#Dn 7.9.#Dn 10.6.Nusaŋi qatiqtigiŋarut qatiqtuatun imnaim mitquatun, aputitullu. Irrak inŋaruk igniqtun ikualaruatun. 15#Ez 1.24; 43.2.Ilaan isigaŋi qiññaqaŋarut qivliqsaqtatun uvluyuiḷatun, ignikun qivliqsaqługu, suli ilaan nipaa tusaġnaŋaruq quġluqtaqpaktun. 16Ilaan taliqpiŋmiñi tigumiaġiŋagai tallimat malġuk uvluġiat. Ilaan qanġaniñ qaiŋammiuq ipiktuaq avanmun kiiñalik savikpak, suli ilaan kiiñaŋa siqiñiqtun inŋaruq, qaummaġigviksraiqsuaqłuni siqiññaaqtuatun. 17#Is 44.6; 48.12; Rev 2.8; 22.13.Tavra tautukapku ilaa, ulġuŋaruŋa sivuġaanun tuquruatun. Aasii ilaan iḷiŋagaa taliqpiñi uvamnun uqallakłuni, Iqsiñak. Sivulliuruŋa aqulliġḷu. 18Iñuuruŋa. Tuquŋagaluaqtuaŋaa, tautugiñ, iñuusaġataqtuŋa taimuŋa isuitchuamun. Atanniqsimmatiniktuŋa tuqqunmun inaannullu tuquŋaruat. 19Paŋmapak aglautikkich sut tautukkatin, sut piruat, sullu piyumaaqtuat tavraŋŋaaglaan. 20Kaŋiqsiñaqsiñiksraŋat innaittuq tallimat malġuk uvluġiat tautukkaqpich taliqpimñi, suli tallimat malġuk maniich kaviqsuat qulliqaġviich. Tallimat malġuk uvluġiat sivuniġigaich tallimat malġuk aŋaiyyuviich isaġuliŋisa, aasiiḷi tallimat malġuk qulliqaġviich tallimat malġuk aŋaiyyuviich.
Currently Selected:
Revelation 1: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)