Psalms 135
135
Nanġautikun Atuun
1Nanġaġli Ataniq!
Nanġaqsiuŋ atqa, kivgauruasii Ataniġmun,
2ilivsi makitaruasii Atanġum igluani,
Aŋaiyyuvikpaŋani God-ipta.
3Nanġaqsiuŋ Ataniq, ilaakii nakuuruq;
atuġitchi nanġautinik atqanun, pikałaktalaitchukkii.
4Piksraqtaaġiŋagaa Jacob ilimiñun,
iñuŋiḷḷu Israel ilaata iñugisukługich.
5Iḷisimaruŋa Ataniqput kamanaqtuagutilaaŋanik,
kamanałhaaqłuni allaniñ god-iniñ.
6Ilaa savaguuruq isumamisun
qiḷaŋmiḷu nunamiḷu,
taġiuniḷu suli samani itiruani.
7Nuviyaliqsitchuugaa nunapayaaq
igniġuuqpatittualiŋaruq sialugnun,
suli anuġit qaipkaqługich tutquqsimaviŋañiñ.
8Egypt-mi tuqunŋagaich aŋayukłiupayaaqtuat
iñuiḷḷu niġrutillu ativlugich.
9Akunnavsiññi nalunainŋutanik aliuġnaqtuaniglu savaŋaruq
akiḷḷiġivlugu Pharaoh kivgapayauraŋiḷḷu Egypt-mi.
10Suksraunġiŋagaich iñugiaktuat nunaqpauruat
suli tuqułługich suaŋŋatiqpaqaġaluaqtuat umialgich:
11Sihon, umialiŋat Amorite-gich,
Og, umialiŋa Bashan,
umialipayaallu Canaan-mi.
12Qaiñŋagaich nunautiŋich iñuŋmiñun;
kiŋuvaaksrirrutigivlugich Israel-mun.
13Ataniiq, uqallausiġisuuniaġaatin ilvich God-auniḷutin;
kiŋuniġiipayauraqtuat itqaumasuuniaġaatin.
14Atanġum tunulliḷiqsimaaġniaġaich iñugirani;
ilaata nagliginiaġaich kivgaġirani.
15 #
Ps 115.4-8; Rev 9.20. Iñuuraqpaliaŋich nunaqpauruat piḷiagurut qatiqtuaniglu, kaviqsuaniglu manigñik;
piḷiaġigaich iñugruiññat argamignik.
16Qaniqaġaluaqtut, aglaan, uqalaitchut;
iriqaġaluaġmiut, aglaan tautuyuitchut.
17Siutiqaġaluaqtut, aglaan tusaalaitchut;
aniġniġitchut unnii.
18Piḷiuŋaruat tamatkuniŋa ukpiġiramignik tainnaptauq iḷiñiaġmiut
irrusiñiglutiŋ iñuuraqpaliamiktun!
19Nanġaqsiuŋ Ataniq, Israel-guruasii;
nanġaqsiuŋ Ilaa, igluaniittuasii Aaron!
20Nanġaqsiuŋ Ataniq, Levite-guruasii;
nanġaqsiuŋ, qiksiksraqtuasii Ilaanik!
21Nanġaqsiuŋ Ataniq Zion-mi,
Jerusalem-mi, ilaata aimmiviani.
Nanġaqsiuŋ Ataniq!
Currently Selected:
Psalms 135: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
