Psalms 132
132
Nanġautiqaġniq Aŋaiyyuvikpagmi
Atuun mayuġmata.
1Ataniiq, itqaumasaġiñ David
siġġaġniuġutipayauraŋiḷḷu.
2Itqaumalugu, Ataniiq, qanuq unniqsuqłiiŋatilaaŋanik,
unniqsuqłiikami iliŋnun, Suaŋŋatiqaqtuamun God-iŋanun Jacob:
3David uqallaktuq: “Aiñiaŋitchuŋa naakkaunnii siñigvimñugluŋa;
4Unaŋuiqsiaġniaŋitchuŋa naakkaunnii siquluŋa,
5paqitanigataġluŋa iniksraŋanik Atanġum,
aimmiviksraŋanik Suaŋaruam God-iŋata Jacob.”
6 #
2 Ch 6.41, 42. Tusaaŋagikput Bethlehem-mi taamna Sivunniuġutim Kiguunniŋa,
suli paqinŋagikput nautchiiviŋiñi Jaar-m.
7Uqallaktugut, “Ilaata igluanukta;
nanġaisa sivuġaani aquppiutaġpaŋata mayuġauttauraŋani.”
8Makillutin, Ataniiq, qaiñ unaŋuiqsiġvigñun,
irvianun Sivunniuġutim Kiguunniŋanun,
suaŋŋatiqpakpich nalunaiñŋutaanun.
9Aŋaiyyuliqsiqpagiratittuq annuġaaŋalich iluaqtualiqiniġmik;
aasii iñugiratin nipaalayumaut quviasuunmi!
10Ukkiqsuqłiiŋagiñ kivgan David;
ayyagnagu nalunaiqsaġiŋaran.
11 #
2 S 7.12-16; 1 Ch 17.11-14; Ps 89.3, 4; Ac 2.30. God-iiŋ, unniqsuqłiiŋarutin David-mun
unniqsuqłiiñmik tasuġniaŋisaġnik:
“Iḷaŋat iġñiġiraqpich umialiguqtinniaġiga,
atanniqsimariġuġniaqtuq aqukkun.
12Iġñiġiraqpich iḷumutuuġlutiŋ maliġikparruŋ sivunniuġutiliaġa
suli kamaksriḷutiŋ piraksriqsuutimnik,
iliŋisaptauq iġñiŋich, aqupiḷḷaniaġmiut aquppiutaqpagiraġni taimuŋa isuitchuamun.”
13Atanġum naliġaaġiŋagaa Zion;
aimaaġviksramaaŋagaa:
14“Tavra unaŋuiqsiġviginiaġiga taimuŋa isuitchuamun;
tavraniinniaqtuŋa qanuq piksramaaŋagiga.
15Inuaŋaiġḷugu piksraqaqtinniaġiga Zion pigiraksrapayauraŋiñik;
niġisuiqsuaqtisimaaġlugiḷḷu tavrani iḷiappauruat.
16Annuġaaqtinniaġmigitka aŋaiyyuliqsiqpaŋich annaunmik,
suli God-im iñuŋich atuġniaqtut nipaqpaglutiŋ quviasuunmi.
17 #
1 K 11.36. Tavrani David kiŋuvaaŋisa iḷaŋat kamanaqtuagulugu umialiguqtinniaġiga;
naliġaagiratkaasi umialigich qaummagigñiaqtut naniqtun.
18Matuniaġitka akiḷḷiiŋich kanŋusuunmik,
aglaan umialgutaa sivunmun iglauniaqtuq piḷḷuataqtuaguluni.”
Currently Selected:
Psalms 132: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
