Genesis 35
35
God-im Qaitchimmauŋ Piḷḷuatautiksraŋanik Jacob Bethel-mi
1 #
Gn 28.11-17. God-im uqallautigaa Jacob, “Mayuġiñ Bethel-mun, aasii iñuuniaġlutin taamani. Nappaiyumautin ikipkaiviksraġnik uvamnun taikani, God niptaŋaruaq iliŋnun qimaagavich aniqatigniñ Esau-miñ.”
2Tavraasii Jacob uqallaŋamaruq igluqatigiramiñun iluqaiññun itqatigiramiñullu, “Igitchigik allaŋŋaqtat god-auruat pigirasi; salummaġlusi ilivsiññun suli salumaruanik annuġaaġlusi. 3Aullaġniaqtugut maaŋŋa aasii Bethel-mugluta, taamani nappaiñiaqtuŋa ikipkaiviksramik God-mun ikayuqtigiŋaramnun isumaaluutimni suli itqatigivluŋa sumun aullaġaluaqama.” 4Tavraasii qaiñŋagaich Jacob-mun allaniŋŋaqtat god-itiŋ pigiratiŋ suli siutiġutit atuqtatiŋ. Sauŋaniġaich ataanun oak napaaqtum qaniŋani Shechem.
5Jacob iġñiġutiiŋiḷḷu aullaqsaġmata, sivuuġatchakpaŋamarut iñuuruat qanittuani nunaaqqiñi, suli iliŋisa piyumigilugich maliksaŋaiñŋagaich. 6Jacob Luz-muŋaruq piqatigivlugich iluqaisa iñugirani, paŋmami Bethel-mik pisuuraŋannun, nunaŋani Canaan. 7Nappaiŋaruq ikipkaivigmik tavrani suli atchiqł̣ugu God-iŋanun Bethel-gum, qanukkii God-im niptaġvigiŋavlugu ilaa tavrani qimaamman aniqanmiñiñ. 8Rebekah-m qaunaksrauraŋa Deborah tuquŋaruq aasii iḷuviŋagaat ataanun oak napaaqtum siḷataani Bethel. Tavraasii atchiŋagaat “Napaaqtuŋa Qivġuvik (Oak).”
9Jacob utiġman Mesopotamia-miñ, God-im niptaġvigivsaaŋagaa suli qaitchivḷugu quviasaaġusiaksraŋanik. 10#Gn 32.28.God-im uqallautigaa, “Atiqaqtutin Jacob-mik, aglaan tavraŋŋaaglaan atiġiniaġiñ Israel.” Tavra God-im atchiŋagaa Israel-mik. 11#Gn 17.4-8.God uqallaŋaruq ilaanun, “Uvaŋa uvva Sapiġñaqtuaq God. Iñugiaktuanik miqłiqtuqaġumautin. Nunaqpaich kiŋuvaaġiniaġitin, suli maŋŋuuniaqtutin umialiguruanun. 12Aitchuġniaġikpiñ nunamik qaiñŋaramnik Abraham-mun Isaac-mullu suli qaiññiaġmigiga kiŋuvaaġiniaqtaġnun aqukkun.” 13Tavraasii God mayuŋaruq tavraŋŋa uqaġvimigniñ. 14#Gn 28.18, 19.Tavrani, God-im uqaqatigiŋammani, Jacob-gum napaqutchiŋagaa itqautikaaksramik uyaġagmik suli ilaaguaqtauvlugu inillakkamiuŋ kuviŋagaa wine-mik suli olive uqsruanik. 15Atchiŋagaa taamna ini Bethel-mik atakkii God-im uqautiŋagaa Jacob tavrani.
Tuqumman Rachel
16Jacob nanmiñiq iḷagiich aullaŋarut Bethel-miñ, aasii uŋasiguraŋŋaġmiksuli Ephrath-miñ, Rachel aulayyautiŋagaa siŋaiyaaŋata, tavraasii siġġaqiŋaruq iġñisuliqami. 17Saŋŋitqataġniŋich suaŋasiviuraqtillugich, iġñipkairim uqallautigaa, “Sivuuġanak, Rachel; aŋutaiyaagumaruq aasi.” 18Aglaan isukłiññiuraaliŋaruq, aasii aniqsaaġuiqsaaqami, atchiŋagaa iġñini Benoni-mik,#35.18 Hebrew-t uqaluŋanni Benoni-m sivuniŋa: “iġñiġa ił̣ł̣uiḷiuġutimni.” aglaan aapaŋata atchiŋagaa Benjamin-mik.#35.18 Hebrew-t uqaluŋanni Benjamin-gum sivuniŋa: “iġñiq argagma taliqpia.”
19Rachel tuqumman, iḷuviŋagaat saniġaanun apqutim Ephrath-muksaġiam, paŋmami Bethlehem-guruam. 20Jacob nappaiŋaruq nalunaiñŋutaksraŋanik uyaġagmik tavruŋa, nalunaiñŋutauruqsuli Rachel iḷuviŋanun paŋmamun aglaan. 21Israel#35.21 Jacob-gum atiŋa simmiŋaruq Israel-mun (32.28). aullaqitqiŋaruq aasii nullaqłutiŋ avuŋatchianun nasiqsruġviŋata Eder-m.
Iġñiġutiiŋich Jacob (Israel)
(1 Chronicles 2.1, 2)
22 #
Gn 49.4. Israel iñuuniaqtillugusuli tamattumani nunami, Reuben siñiqatiqaŋaruq Bilhah-mik, iḷaŋannik aapami nukaġaŋisa; Israel tusaakami qinnalipiaġataŋaruq.
Jacob iġñiqaŋaruq qulit malġugnik (12). 23Leah-m iġñiġiŋagaich Reuben (Jacob-gum iġñiŋa aŋayukłiq), Simeon, Levi, Judah, Issachar, suli Zebulun. 24Iġñiŋigli aasii Rachel-gum Joseph-lu Benjamin-lu. 25Rachel-gum kivgaŋa Bilhah-vli iġñiġigaik Dan-lu Naphtali-ḷu. 26Leah-vli aasii kivgaŋa Zilpah-m iġñiġigaik Gad-lu Asher-lu. Taapkua iġñiŋich aniŋarut Mesopotamia-mi.
Isaac Tuqumman
27 #
Gn 13.18. Jacob ullautiŋaruq aapamiñun Isaac-mun Mamre-mi, qaniŋani Hebron, Abraham-lu Isaac-guvlu iñuuniaġvigiŋaraŋagnun. 28Isaac iñuuŋaruq 180-tun ukiunikłuni 29suli tuquŋaruq utuqqalipiallakhuni; aasii iġñiŋiksa Esau-vlu Jacob-guvlu iḷuviŋagaak.
Currently Selected:
Genesis 35: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
