Genesis 33
33
Jacob-gum Kasuġaa Esau
1Jacob-gum tautuŋagaa Esau qairuaq 400 iñuni piqatigivlugich, aasii avikługich miqłiqtuni Leah-mullu, Rachel-mullu, suli aġnagnun kivġamiñun. 2Sivulliġuutiŋagaik nuliaġmi kivgaŋik suli miqłiqtuŋich, aquatigun aasii Leah-lu miqłiqtuŋiḷu, aasii aqulliġuutivlugik Rachel-lu Joseph-lu. 3Jacob sivulliġuutiŋaruq aasii pułłuni nunamun tallimat malġugni qallikamiuŋ aniqatini. 4Aglaan Esau-m aqpałłuni kasuġiaqsauraŋagaa, iqimmalaaqługu, suli kunikł̣ugu. Iluqatik qiaġutiŋaruk. 5Esau-m qiviaqługich tautukkamigich aġnallu miqłiqtullu, apiġigaa, “Kitkut makkua iñuich piqatigivich?”
“Tamarra, aŋuun, miqłiqtut God-im nagliktuutiqpagmiñi qaisaŋich uvamnun,” Jacob-gum kiugaa. 6Aasii aġnak kivgak qaivḷutiŋ miqłiqtutiglu punŋarut; 7Leah-suli miqłiqtuniḷu qaiŋarut pułłutik aasii; suli aqulliqpiaguvlutik Joseph-lu Rachel-lu punŋammiuk.
8Esau apiqsriruq, “Allat aasii apkua kasuqtatka? Sumik sivuniqaqpat?”
Jacob-gum kiugaa, “Iviġaumagiliquvluŋa iliŋnun.”
9Aglaan Esau uqallaktuq, “Naamaruŋa, aniqatiiŋ; pigikkich ilvich pigiratin.”
10Jacob uqallaktuq, “Naumi, apiġigikpiñ, iviġaumagiliŋagumŋa, akuqtuġuŋ aitchuutiga. Tautukkapku kiiñan uvamnun tautugmatun God-im kiiñaŋanik ittuq, iḷammiulluatautiqaqavich uvamnun. 11Akuqtuqupiaġiga taamna aitchuutiligaaġa iliŋnun; God-im nagligisimaaqłuŋa suli aitchuŋagaaŋa supayaamik pigiraksraġiramnik.” Jacob-gum kiiqsruġmani akuqtuŋagaa.
12Esau uqallaktuq, “Itqanaiyaġluta aullaqta. Sivulliuniaqtuŋa.”
13Jacob-gum kiugaa, “Iḷisimarutin miqłiqtut piḷguitchut, suli isummatigiraksraġigitka pamiqsaat ivaaqaqtuat. Igliqtuiññaqtitaugumiŋ atausimiunnii uvlumi, iluqaġmiŋ pamiqsaat tuquniaqtut. 14Aullaqiiñ sivumni, maliġiniaġikpiñ sukaiḷaamik, iglauniaqtuŋa sukatilaaŋatitun pamiqsaallu miqłiqtullu aŋulġataġlutin Seir-mi.”
15Esau uqallaktuq, “Uniḷḷagiñmi iñugma iḷaŋich iliŋnun.”
Aglaan Jacob-gum kiugaa, “Tainnaunnii piŋiḷḷutin qanuq uvva iviġaummatigitqusiññaqtuŋa iliŋnun.” 16Tavraasii Esau utiqsaŋaruq Seir-mun. 17Aglaan Jacob-li aullaŋaruq Sukkoth-mun, tavrani aasii igluliŋaruq ilimiñun suli uqqiyviksriuqługich pamiqsaaġirani. Tainnaqługu taamna ini atchiŋagaat Sukkoth-mik.#33.17 Hebrew-t uqaluŋanni Sukkoth-gum sivuniŋa: “Uqqirviich.”
18Utiqami Mesopotamia-miñ (Paddan Aram) Jacob tikiñŋaruq surruił̣ł̣uni Shechem-mun nunaŋani Canaan aasii nullaqłuni nunamun qaniŋanun inauruam. 19#Js 24.32; Jn 4.5.Tauqsiŋagaa iḷaŋa nunam kiŋuvaamiñiñ Hamor-m aapaŋata Shechem tallimakipiatun (100) manigñik qatiqtuanik. 20Nappaiŋaruq ikipkaivigmik tavrani suli atchiqł̣ugu El-mik, God-iŋa Israel.
Currently Selected:
Genesis 33: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
