Acts 1
1
Savaaŋich Tilirauruat
1 #
Lk 1.1-4. Nakuaġiramnun Theophilus-mun. Sivulliġñi makpiġaani uqausiġiŋagitka iluqaisa Jesus savaaġikkaŋi iḷisaurrutiŋiḷu, 2uvlumun-aglaan mayuurrauvianun qiḷaŋmun. Mayuurrauŋaiñŋaan Ilitqusiġiksuam suaŋŋasiŋagaa piraksriiyumiñaqsivḷugu iñuŋnun piksraqtaaġiŋaraŋiñun tilisukługich. 3Malġukipiani uvluni tuqutauqqaaqłuni tautuktitqataŋaruq inmiñik ilaiññun iñugiaktuani, nalupqinaiqł̣ugu iñuutilaani. Ilaisa tautukkayuŋagaat, uqaqatigivlugiḷḷu ilaata God-im atanniqsimmataanik iñuŋnun. 4#Lk 24.49.Katinmata atautchimun Jesus piraksriŋagai uumiŋa, Jerusalem-miñ aullaġnasi, aglaan utaqqiyumagiksi aitchuutiksraun Aapama unniqsuqłiisaa, uqautigiŋakkaġa ilivsiññun. 5#Mt 3.11; Mk 1.8; Lk 3.16; Jn 1.33.Qanuq John paptaiġutiqaŋaruq imiġmik, aglaan uvva iñukitchuat uvlut pianikpata, Ilitqusiġiksuaq iḷuvsiññun iḷiñiaġiga.
Jesus Mayuurrauruq Qiḷaŋmun
6Tavra iḷitchitqurat katinnamiŋ piqatigivlugu Jesus apiġiŋagaat, Ataniiq, paŋmapak isagutipkaġniaqpiuŋ Israel-guruat umialiqaġumiñaqsiḷugich inmiŋni taimanisun? 7Jesus kiuŋagai, Ilivsi iḷisimaraksrautigiŋitkisi uvlullu piviksrallu Aapam inillaŋaraŋi ilaan ataniġnaqunmigun. 8#Mt 28.19; Mk 16.15; Lk 24.47, 48.Aglaan Ilitqusiġiksuam qaigumi ilivsiññun suaŋŋasiġñiaġaasi quliaqtuaġumiñaqsiḷusi tusaayugaaġiksuanik uvapkun Jerusalem-mi, iluqaaniḷu Judea-mi, Samaria-miḷu, uŋasigñiqsraŋiññullu nunam. 9#Mk 16.19; Lk 24.50, 51.Tavra taapkuniŋa uqautianikkamigich takunnaqtillugich, ilaa mayuurrauŋaruq qiḷaŋmun, suli nuvuyam tautugnaiqsinŋagaa ilaiññiñ. 10Tavra takunnaġataviksillugich qiḷaum tuŋaanun aullaġvianun, iññuk malġuk makitaaniŋaniqsuk saniġaanni qatiqtuanik annuġaaqaqtuak, 11aasii uqallakłutik, Galilee-ġmiuguruasii, summan makitavisi takunnaqłusi qiḷaŋmun? Taamna Jesus mayuurrauruaq ilivsiññiñ qiḷaŋmun, qaiñiaqtuq tainnatun suli tautuusivsisun aullaġman qiḷaŋmun.
Judas Simmausiġaat
12Tavra iḷitchitqurat utiŋarut Jerusalem-mun iġġiuramiñ atiqaqtuamiñ Olives, half-a-mile-tun uŋasiksigiruaq iniqpaŋmiñ. 13#Mt 10.2-4; Mk 3.16-19; Lk 6.14-16.Tavra tikiññamiŋ Jerusalem-mun mayuŋarut qiḷaguamun inigikkamiŋnun, Peter-lu John-lu James-lu Andrew-lu Philip-lu Thomas-lu Bartholomew-lu Matthew-lu James-lu iġñiŋa Alphaeus, Simon-lu Zealot-guruaq, Judas-lu iġñiŋa James. 14Taapkua iluqaġmiŋ katitkayuŋarut aŋaiyyuqatigiikł̣utiŋ akulaił̣ł̣ugu, piqatigivlugich aġnat, Mary-ḷu aakaŋa Jesus, aniqatiiŋiḷu. 15Uvlut iñukitchuat pianiŋmata kasimaŋarut ukpiqtuat iñugiaktilaaqaqpalliqł̣utiŋ 120, aasii Peter makinŋaruq uqaġukłuni, 16Aniqatiit, Bible uqaluŋich nalauttuksrauŋarut Ilitqusiġiksuam uqaqtinmagu David, sivuniġivlugu Judas, aullarriruaq taapkunuŋa tigutaaqsiruanik Jesus-mik. 17Qanuq taamna Judas iḷagiŋagikput, suli aitchuusiaqaqłuni, iḷauvluni taavrumani savaaptiŋni. 18#Mt 27.3-8.(Tavra taamna iñuk tauqsiŋaruq nunamik, akiḷiusiaŋanik piḷuusiqiaqpaŋmi. Tavrani ilaa tuquŋaruq katakłuni, niaqquni sivulliġivlugu, aasii qaaqłuni, iluqaġmiŋ ilġaviŋi pikiaŋarut. 19Suli taamna tusaaŋagaat iluqaġmiŋ iñuich Jerusalem-miittuat, taamna nuna atchiŋagaat uqausiġmiŋni Akeldama, sivuniqaqtuaq Nunaŋanik Augum.)
20 #
Ps 69.25;
Ps 109.8. Peter uqavsaaŋaruq, Qanuq aglausimaruq makpiġaaŋiñi Psalms,
“Ilaan aimaaġvia iñuiġḷi,
suli kialiqaa iñuuviginagu.”
Aglausimammiuq-suli inna,
“Ilaan savaaŋa allam piḷiuŋ.”
21-22 #
Mt 3.16; Mk 1.9; Lk 3.21;
Mk 16.19; Lk 24.51. Tavraasii iñuum iḷaraksraġigaatigut, tautuŋaruam, quliaqtuaġumiñaqsiŋaruavlu Ataniq Jesus aŋimman. Taamna iñuk piqatauruksrauŋaruq uvaptiŋnun iluqaani Ataniq Jesus kukiḷuŋman piqatigivluta, isagutilġataġniŋaniñ John alġaqsruimman paptaiġunmik, uvlumunaglaan Jesus mayuurraumman uvaptiŋniñ qiḷaŋmun. 23Tavra ilaisa nalunaiŋagaich malġuk. Joseph taggisiqaqtuaq Barsabbas-mik atiqaġmiruaq Justus-mik, Matthias-lu. 24Tavra iliŋich aŋaiyyuŋarut uqaqłutiŋ, Ataniiq, iḷisimagitin uummatiŋich iñupayaat. Aasii Ataniiq, nalunaiġuŋ nalliak ukuak piksraqtaaġitilaaŋanik iliŋnun, 25inaŋiutautquvlugu Judas-mun uumani savaurriñiġmi, tiliraunikun qimakkaŋagun, aullaqłuni ilaan iniksraunmiñun. 26Tavra tiguullaivḷutiŋ atiġnik piksraqtaaġiŋagaat Matthias. Tavra Matthias iḷḷatiŋagaat qulit atautchimun tilirauruanun.
Currently Selected:
Acts 1: INUPIAQ
Highlight
Share
Copy
Want to have your highlights saved across all your devices? Sign up or sign in
Iñupiatun Mumiksat Uqalugiksuat (North Slope Iñupiaq Bible) © American Bible Society.
All rights reserved.
Bible text from the North Slope Iñupiaq Bible is not to be reproduced in copies or otherwise by any means except as permitted in writing by the copyright holder:
American Bible Society, 101 North Independence Mall East, Floor 8, Philadelphia, PA 19106-2155 (www.americanbible.org)
