Loina 18
18
Naqi kanaloina paipaina
1Matautauda Iave ivesipupu Mosese waineye ivo, 2“Kivesipupu me Isileli waidie kunavo, ‘Yau Iave mi Yaubada. 3We komi ge kwaivalabubuna mesaida me Itipita, gumanidiavo base taiauda kwamiamia, wete me Kenani divalabubuna ge mesaida kwaivalabubunedi, gumanidiavo imiamia pwayapwayanina waineye akedagumetemi kwanaqonaqo. Komi divalabubuna ge kwaivemuliedi. 4Yau Iave mi Yaubada, beqa guloina kwaivekimatanedi wete guvemataluana kwaivalabubunidi. 5We kago guloina kwaivemuliedi wete guvemataluana kwaivalabubunidi mia giamaiotoqina kwaibabaneni. Yau Iave.#18:5 Yau Iave veluvelulunaotoqigu kanasala ailuvelakovidi gumanidiavo ivedumwekaikaiegu. Yau Iave aivalabubuni vakai avesipupuyeni, we aivonavenapwayewedi gumanidiavo ivenapwayewegu.
6-18“ ‘Yau Iave beqa guvemataluana kwainoqaidi. Dayaqimi tamoqana ge taiauda kwainaqi mesaida inamiavo, tamamiavo, taimiavo o tatamiavo, novumiavo, lamwaiamiavo, avumiavo wete yayamiavo.#18:6-18 Naqi kapoina Naqi kapoina dede gumanidiavo: naqi tamo tomoqo mwanena taiauda o mwanedi—Isauyedi 20:14, Loina Kanaveluqa 5:18; naqi tamo tomoqo taiauda mane o wete tupwaidiavo saku paipaidi—Loina 18:6, 1 Kolinita 6:15; naqi nasusu taunina taiauda mesaida tomoqo natuna vavinena taiauda—Loina 18:6; tomoqo wete tomoqo kadikailuqa inaqinaqi o vavina wete vavina kadikailuqa—Loma 1:26-27; tomoqo kaisaya taiauda inaqi—Loina 18:23; kwanaqi gumanimiavo giladi ge kwadavemialuqemi—Epeso 5:3; kiwewesa wayaqimu tamo aitoi taiauda kwainaqi—Kabavelamu 34:7, Loina Kanaveluqa 22:25.
19“ ‘Tutuyanina vavina nawetaki inababaneni ge taiauda kwainaqi paina gumanina ge maqemaqetana.
20“ ‘Wete ge tamo tomoqo mwanena taiauda kwainaqi, kago no mesaida kwaivalabubunedi komi ge maqemaqetami.
21“ ‘Natumiavo didiqa tabwaneye ge kwaivelomuyedi yaubada katupoe Moleki#18:21 Moleki gumanina me Kenani diyaubada. waineye. Yau Iave mi Yaubada, kago no mesaida kwaivalabubunedi kaguwavaqa kwaigiavemayamayaqi.
22“ ‘Ge tamo tomoqo iana lamoqina taiauda inanaqi. Dede valabubunanina kapoiotoqina matague.
23 #
Isa 22:19
“ ‘Ge tamo tomoqo o vavina kaisaya taiauda inanaqi. Kago dede mesaida kwaivalabubunedi komi ge maqemaqetami.
24“ ‘Komi ge kwaibwanenemi dede valabubunanidiavo beqa. No tomo'otoqanidiavo Kenani pwayapwayana waineye imiamia dede mesaida ivavalabubunedi we ge maqemaqetadi matague, beqa aikwavinedi inasauyedi pwayapwayanina waineye we komi kwainaqo kwaikewai no waineye kwaimiana.”
Currently Selected:
Loina 18: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
