Kabavelamu 26

Iave ivonadabadaba Aisake inavonavenapwayeweni mesaida Ebelamo base ivonavenapwayeweni

1Lase bwaigina wete isauyeni Kenani waineye. Dede mesaida lasenina base isauyeni Ebelamo natutuye. Beqa Aisake inaqo Gela#26:1 Gela tamo taoni Kenani pwayapwayana waineye, we no tutuyanina me Pilisitia vanuqanina iloineni. taoni waineye, kaiebei Abimeleki imiamia, gumanina me Pilisitia dikini.

2-3 # Kaba 22:16-18 Matautauda Iave ilausimatala Aisake waineye we ivoneni ivo, “Ge kinaqo Itipita, kaia dede waineye kimiamia kanaketoava lase inakakava, we Yau komu taiauda taimiamia aivonavenapwayewemu. Yau pwayapwaya dede matatabuna aivelemu wete tubuleleleqimwavo. We vakai avonadabadaba tamamu Ebelamo waineye aivalabubuni komu paipaimu. 4Yau tubuleleleqimwavo puedi aivelemu, kadiyoko mesaida mwatuia abame. We pwayapwaya dede matatabuna aivelemu wete aiveledi. Tubuleleleqimwavo waidie'eqa kabaloina matatabudi pwayepwayeye giamaina inababaneni, 5paina Ebelamo bonagu inoqai we guvekaivevena matatabuna, guvona wete guloina ivekimatanedi.” 6Beqa Aisake imiana Gela taoni waineye.

Currently Selected:

Kabavelamu 26: mzz

Highlight

Copy