Kabavelamu 21
21
Aisake itubuqa
1Deqoina Iave Sela ivonavenapwayewedi mesaida base ivonadabadaba waidie inavenatuna natudi lamoqina inavetubuqi. 2No kanakaiataotoqa Iave ivoneni paipaina, vakai ivonadabedabeni kanamwaqitana isauyeni. Beqa ive'ina'inaqe natudi ivetubuqi, we Ebelamo gunabeida natutuya tomwaya waineye. 3Natudi itubuqa, we Ebelamo iqoleni kanawavaqa Aisake. 4#Kaba 17:12; Aposi 7:8Tutuyanina itubuqa kanakaiata 8 tamana bunu kanagusu ivalabubuni waineye mesaida base Iave ivoneni kiakiaya paipaina. 5Dede isauyeni tutuyanina Ebelamo kanadiqaba 100 waineye.
Ebelamo Ega menatudi Isimeli iveuqeuqedi
8Tutuyanina Aisake itaulai idabai, Ebelamo kani bwaigina ivalabubuni no kaiatanina waineye. 9Tutuyanina waineye Sela ikiseni Isimeli isasaidibieni Aisake. We paina Isimeli Ebelamo tamo natuna, gumanina ditolituqa Ega Itipita vavinedi ivenatuneni, 10beqa Ebelamo ivoneni ivo, “Dede tolituqanidi menatudi kuveuqeuqedi inatauya! Tutuyanina komu kiwapa, yau ge wayaqima Isimeli muguyoguyo tamo vikai inakewai. Kaia natugu Aisake kaisena muguyoguyo inakewadi.”
11Ebelamo ge idamwasana dede vonanina paipaina, paina Isimeli wete taunina natuna. 12We Yaubada Ebelamo ivoneni ivo, “Ge nuamu inakapo Isimeli wete inana paipaidi. Tubuleleleqimwavo avonadabadaba aivelemu gumanina Aisake waineye'eqa kawaie inasauyedi, beqa Sela kuvevaneneqedi mesaida kivalabubunedi. 13Wete Isimeli tubuleleleqinavo aiveleni paina komu natumu, beqa tubuleleleqinavo kawaie tamo kabaloina inasauyeni.”
14Beqa kawakawaiotoqe Ebelamo kadi wete kadibwasi kabagoi mebwasina gumanina kaisaya bunudieqa ivalabubunidi ikewadi, Ega kavaladie iveolidi. Matautauda Ega menatudi iveuqeuqedi itauya.
Currently Selected:
Kabavelamu 21: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
