Isauyedi 1
1
Iakobo tubuleleleqinavo ivepue-otoqa Itipita waineye
1Tutuyanina Iakobo, tamo kanawavaqa Isileli, inaqo Itipita waineye, natunavo wete disusuvo taiauda inaqo. Kadiwavaqa dede 2Lubeni, Simioni, Libai, Iuda, 3Isaka, Sebuloni, Beniamina, 4Dani, Napitalai, Gada wete Aseli. 5Tutuyanina waineye Iosepa Itipita imiamia. Kaiatanina waineye Iakobo tubuleleleqinavo kadiyoko 70.
6Mulineye Iosepa, tatanavo wete taina taiauda wete lagatanina matatabudi iwapa. 7#Aposi 7:17We tubuleleleqidiavo, me Isileli, digwagwamavo pueotoqidi kadiyoko ivebwaiga wete isaisaila. We kadiyoko ivepue-otoqa Itipita pwayapwayana iveadaqi.
Pelo me Isileli mwau iveledi
8 #
Aposi 7:18
Diqaba tupwaidiavo ikakava Pelo#1:8 Pelo me Itipita diwavaqa Kini paipaina. kaivauna ivelamu Itipita iloloineni. We dede Pelo Iosepa nalituqa giamaina ge idayagovi. 9Natomo'otoqavo waidie ivesipupu ivo, “Kwavevaneneqa, tutuya dede waineye me Isileli pueotoqidi wete veluvelulunaotoqidi matautauda kida me Itipita. 10#Aposi 7:19Kago kadaqaviavo inalugukwailida, oge me Isileli taiauda inaluvetaubama taivetalaqa taiauda, we inavelulunapeleda me Isileli inadeqa davikaie'eqa. Beqa loina veluvelulunina taivalabubuni taigiavekwadadi ge inasaila.”
11We me Itipita iwewesedi me Isileli lituqa bwaigidi inavalabubunidi paipaidi, lituqa kanatogumetavo iyatodi inaloloinedi. Togumetavo iwewesedi taoni bwaigidi kailuqa inayoqonidi, vanuqanidiavo kadiwavaqa Paitoni wete Lamasesi, waineye Pelo kanakibua inayatoyato waidie wete tupwaidiavo nasakuvo. 12Me Itipita mwau wete veviqa bwaigina me Isileli iveledi, we me Isileli kadiyoko kaia iebwaiga wete vikai kanamatatabu iveadaqi. Beqa me Itipita igololo'otoqedi. 13-14We lituqa bwaigidi waidie ivelituqedi ge mekaditutula we lituqa beqa iveqoladi. We iwewesedi biliki inavalabubunidi wete dobwadobwana inalomwanidi inakaibaidi inakalapwata. We wete ivonedi tanoqa matatabuna kanalituqa inavalabubunidi. We me Itipita mwau wete veviqa bwaigina dilituqa waidie iveledi, we ge idavenua'ina'inaqeyedi.
22 #
Aposi 7:19
We Pelo natomo'otoqavo iloinedi ivo, “Tutuyanina gwamana lamoqina inatubuqa me Ibeliu waidie kwaitaweni inaobu Naili bwasie. We kago vavinena inatubuqa giamaina inamiamia.”
Currently Selected:
Isauyedi 1: mzz
Highlight
Share
Copy
Want to have your highlights saved across all your devices? Sign up or sign in
© 2023 (Active), Wycliffe Bible Translators, Inc. All rights reserved.
