Luk Miimow opora
Miimow opora
Luk Pol uuwow epaskun. Yeesus maa muutitik onomakek nain wi eena mokok onaiya urufamik nain-ke maakiwkin siisimok. Luk opor eliwa siisimok nain feenap, Yeesus waisow wi Isrel wia aawemi owow oko emeria mua pun wia aawok. Ona uuwowa onoma wuami wia maakek, “Ewar Eliwa-ke kema yieya yo Mua Maneka opor eliwa wi emeria mua samora nain wia maakem-miawiyem,” naap maek (4.18). Ne makena, wi emeria mua pina sira-sira-pa ikemik nain wia kemalep wia saliwak, Luk nain siisimok.
Maa unowa Yeesus onam-ikua nain ona teeria o ookam-miemik nain urufap kemelam-ikemik. Feenap, ona onak Maria eena o muukarek nain wi emeria mua nain urufap kemelamik (1.42-48 ne 2.10). Ne opora kapa welawami siisimok nain feenap, Yeesus wia piipuap owow iinan urupok nain urufap manek akena kemelamik (24.52).
Yeesus miiwa-pa ikok uuwowa ne sira kamenap onam-ikua nain wi papako siisimemik nain nanar papako me wiar siisimemik. Ne Luk-ke waisow nanar unowa nain wiar siisimok.
Ne wi aposel uuwowa opora nain pun Luk-ke siisimok. Eena Yeesus iinan urupeya ona teeria-ke uuwowa wiar onam-miemik opora nain.
Currently Selected:
Luk Miimow opora: mhlNT
Highlight
Share
Copy
Want to have your highlights saved across all your devices? Sign up or sign in
© 1998, Wycliffe Bible Translators, Inc. All rights reserved.