Gɔwɔ tɔɔi 10
10
Nu huwui kulɔ Noe hu
1Noe lon ɉinąą haaɓai, Sɛmə, Kamə da Ɉafɛtə di huwuhu nuą ka, ɲánwąną tɛɛ pulu.
2Ɉafɛtə lonnii laa ka: Gomɛrə, Magɔgə, Madai, Yavan, Tubalə, Mɛsɛkə da Tirasə. 3Gomɛrə lonnii laa ka: Askenazə, Rifatə da Togarma. 4Yavan lonnii laa ka: Elisa, Tarsisə, Kitimə da Rodanimə. 5Nu huwui tii ɓə di taɠa taɠaa gahinŋąą ɓa. Hį́í wooi da mo, ya ɓə di ɉee di wɔ lɔi ɓa a nɔi laa.
6Kamə lonnii laa ka: Kusə, Misraimə, Putə da Kanaan. 7Kusə lonnii laa ka: Seva, Hawila, Savta, Raema da Savteka. Raema lonnii laa ka: Saba da Dedan. 8Kusə ɓə kɛ a Nɛmrodə nąn; Nɛmrodə tii ɓə kɛ a nu yee walawalaa lɔi mɛ̨i nąąlɔwai. 9Nɛmrodə ə kɛ a huwɔ kpɛmun gɛnɛ̨ Yai-Laa ɲɛ̨i ɓa. Yili ɓə gɛ, nuą da kɛ kɛi mą: «Ə kɛ a huwɔ kpɛmun gɛnɛ̨ Yai-Laa ɲɛ̨i ɓa yɛ Nemrodə.» 10Nɛmrodə nwɔ taa tɔlɔɔɠaai ə dɔɔ, diɛ ɓaa kɛ: Babɛlə, Erɛkə, Akadə da Kalne, Sinearə lɔi hu ɓə ə daaɠaai tii pu laa. 11Nɛmrɔdə ə həɠə nɔi tii hu, ə li ə hee Asiri lɔi hu. Ə nɛɛ mą ə Ninivə taa tɔɔ, ə Rehovotə-Irə da Kala taa tɔɔ, 12ə taalee kɛnɛ̨ ta tɔɔ Ninivə taa da Kala taa di lɔwai, diɛ kɛ naa ɓa Rɛsɛn.
13-14Misraimə ɓə kɛ a: Ludə nuą, Einamə nuą. Lehavə nuą, Naftua nuą, Patrusə nuą da Kaslua nuą da Kaftɔrə nuą di kalaɓɔlɔ. Kaftɔrə nuą ɓə Filisti nuą di kulɔ di huwuhu.
15Kanaan ɓə kɛ a Sidɔn nąn, yai kɛ a non dɔlɔɔ, da Hɛtə, 16ɛlɛɛ, Ɉebusə nuą, Amɔrə nuą, Girgasə nuą, 17Hivi nuą, Arki nuą, Sin nuą, 18Arvadə nuą, Semarə nuą, da Hamatə nuą, nu huwuɠaai tii ɓə Kanaan nɔi nuą huwu ə kulɔ ɉu yɛ taɠa taɠa, ɉuwuɠaai tii kəlee di kalaɓɔlɔ ɓaa Kanaan. 19Kanaan lɔi ɲɛ̨n ma kɛ a Sidɔn lɔi, yɛ li la Gerarə lɔi ɓa, ə lɛɛ ɉu ə həli kpɔ Gaza lɔi ɓa, yili pulu, yɛ li la Sodomə taa da Gomorə taa, Adma taa da Sevoimə taa, yɛ li la Lɛsa daai. 20Pələ ɓə Kamə huwuhu nuą di hee kpəlin na ə kɛ la, yɛ pələi di lawoo ə kɛ la, da di wɔ lɔiɠaa.
21Sɛmə, Ɉafɛtə niɛ yaa kpɛli ə lon ɉinąą hɔlɔɓo. Yaa kpɛli, gaa a nu huwuɠaa ŋɛ̨i di kalaɓɔlɔ, diɛ ɓaa: Ebɛrə da ɉuwuhu nuą kəlee, 22Sɛmə lon ɉinąą laa ka: Elamə, Asurə, Arfasadə, Ludə da Aramə. 23Aramə lon ɉinąą laa ka: Usə, Hulə, Gɛtɛrə da Masə. 24Arfasadə ɓə kɛ a Sɛla nąn, Sɛla ɓə kɛ a Ebɛrə nąn. 25Ebɛrə ə lon ɉinąą hveelɛ hɔlɔɓo, dɔlɔɔ laa ɓaa: Pɛlɛgə, mąąhɔlɔɓo, nwɔ lɔwai hu ɓə di lɔi ŋąąkwɛlɛ la. Pɛlɛgə nəɠə laa ɓaa: Yɔktan. 26Yɔktan ɓə kɛ a Almodadə nąn da Sɛlɛfə, Hasarmawɛtə, Yɛra, 27Hadoramə, Uzalə, Dikla, 28Ovalə, Avimaɛlə, Saba, 29Ofirə, Hawila da Yovavə ni, di kəlee di kɛ a Yɔktan lonnii. 30Nɔi di kɛ heeni ɉu, ə kɛ voló həɠəi pələ, ɓɛi yeeɠaa tamąą kɛ laa Mesa lɔi da Sefarə lɔi di lɔwai. 31Nuąi tii kəlee ɓə kɛ a Sɛmə huwuhu nuą, di hee kpəlin na yɛ ɓo, yɛ pələi di lawoo ə kɛ la, da di wɔ lɔiɠaai.
32Pələ ɓə nu huwuɠaai kulɔ Noe lonnii hu, di hee kpəlin na ə kɛ la, da di wɔ lɔiɠaa. Diɛi tii ɓə di lonnii di lɔi laahvɛɛ ɲánwąną tɛɛ pulu.
Currently Selected:
Gɔwɔ tɔɔi 10: BKPG
Highlight
Share
Copy
Want to have your highlights saved across all your devices? Sign up or sign in
