ဆာလံကျမ်း 8
8
ထာဝရဘုရား၏ဘုန်းအသရေတော်၊ လူ၏ဂုဏ်ကျက်သရေ
ဂီတမှူးအတွက်၊ “ဂီတိ”#8:0 ဂီတနှင့်ဆိုင်သောဝေါဟာရတစ်ခုဖြစ်ဖွယ်ရှိသည်။ သံစဉ်၊ ဒါဝိဒ်၏ဆာလံ
1အကျွန်ုပ်တို့၏အရှင် ထာဝရဘုရား၊ ကိုယ်တော်၏နာမတော်သည် ကမ္ဘာမြေတစ်ခွင်လုံး၌ ကြီးမြတ်လှပါ၏။
ကိုယ်တော်သည် မိမိ၏ဘုန်းကျက်သရေကို ကောင်းကင်ပေါ်မှာ တည်စေတော်မူ၏။
2ကိုယ်တော်ကိုရန်ဖက်ပြုသူများကြောင့် ကလေးသူငယ်များနှင့်နို့စို့ကလေးငယ်များ၏နှုတ်တွင်
အစွမ်းသတ္တိကိုတည်စေတော်မူ၏။#မ 21:16။ ဤသည်ကား ရန်သူနှင့် လက်တုံ့ပြန်သူတို့ကို တိတ်ဆိတ်စေရန်ဖြစ်၏။
3ကိုယ်တော်၏လက်ချောင်းတို့ဖြင့်ပြုတော်မူသော ကိုယ်တော်၏ကောင်းကင်ကိုလည်းကောင်း၊
ကိုယ်တော်တည်တော်မူသော လနှင့်ကြယ်များကိုလည်းကောင်း အကျွန်ုပ်ကြည့်ရှုဆင်ခြင်သောအခါ
4လူသည်မည်သို့သောသူဖြစ်၍ ကိုယ်တော်သည် သူ့ကိုအောက်မေ့တော်မူရသနည်း။
လူ့သားသည် မည်သို့သောသူဖြစ်၍ ကိုယ်တော်သည် သူ့ကိုကြည့်ရှုတော်မူရသနည်း။#ဟေဗြဲ 2:6။
5ကိုယ်တော်သည် သူ့ကိုဘုရားသခင်#8:5 အချို့မူရင်းကျမ်း၌ “ကောင်းကင်တမန်တို့”။ထက် ခေတ္တခဏနိမ့်ကျစေပြီးလျှင်
ဘုန်းတော်နှင့်ဂုဏ်တော်တို့ဖြင့် သူ့ကိုသရဖူဆောင်းစေတော်မူ၏။#ဟေဗြဲ 2:7။
6သူ့အား ကိုယ်တော်၏လက်တော်ဖြင့် ပြုလုပ်သောအရာများကိုအုပ်စိုးစေ၍
အရာခပ်သိမ်းတို့ကိုသူ၏ခြေအောက်၌ ချထားတော်မူပြီ။#၁ကော 15:27။
7ထိုအရာတို့တွင် သိုးနွားအားလုံးနှင့်
တောတိရစ္ဆာန်များအပြင်
8မိုးကောင်းကင်ငှက်များ၊ ပင်လယ်ငါးများနှင့် သမုဒ္ဒရာရေကြောင်းတို့၌
ကူးခပ်သွားလာသည့် သတ္တဝါများပါ၏။
9အကျွန်ုပ်တို့၏အရှင် ထာဝရဘုရား၊ ကိုယ်တော်၏နာမတော်သည်
ကမ္ဘာမြေတစ်ခွင်လုံး၌ ကြီးမြတ်လှပါ၏။
Currently Selected:
ဆာလံကျမ်း 8: MSBU
Highlight
Share
Copy
Want to have your highlights saved across all your devices? Sign up or sign in
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative