ဆာလံကျမ်း 130
130
ထာဝရဘုရား၏ရွေးနုတ်ကယ်တင်ခြင်း
အတက်လမ်းသီချင်း
1အို ထာဝရဘုရား၊ အကျွန်ုပ်သည် နက်ရှိုင်းရာနေရာမှ
ကိုယ်တော်ကိုခေါ်ပါ၏။
2အို ဘုရားရှင်၊ အကျွန်ုပ်၏အသံကို နားထောင်တော်မူပါ။
အကျွန်ုပ်အသနားခံသောအသံကို နားစွင့်တော်မူပါ။
3အို ဘုရားရှင်ထာဝရဘုရား၊
ကိုယ်တော်သည် ဒုစရိုက်များကို မှတ်ထားတော်မူလျှင် မည်သူသည်ခံရပ်နိုင်ပါမည်နည်း။
4သို့သော် ကိုယ်တော်သည် ခွင့်လွှတ်တော်မူသောကြောင့်
လူတို့သည် ကိုယ်တော်ကို ကြောက်ရွံ့ရိုသေကြပါ၏။
5ငါသည် ထာဝရဘုရားကို စောင့်မျှော်၏။ ငါ၏စိတ်ဝိညာဉ်သည် စောင့်မျှော်၏။
ငါသည် ကိုယ်တော်၏နှုတ်ကပတ်တော်ကို မျှော်လင့်ကိုးစား၏။
6ကင်းစောင့်တို့သည် နံနက်အချိန်ကိုစောင့်မျှော်ကြသည်ထက်
အကယ်စင်စစ် ကင်းစောင့်တို့သည် နံနက်အချိန်ကိုစောင့်မျှော်ကြသည်ထက်
ငါ၏စိတ်ဝိညာဉ်သည် ဘုရားရှင်ကို စောင့်မျှော်၏။
7အို အစ္စရေးလူမျိုး၊ ထာဝရဘုရားကို မျှော်လင့်ကိုးစားလော့။
အကြောင်းမူကား ထာဝရဘုရား၌ မေတ္တာကရုဏာတော်ရှိ၏။
ကြွယ်ဝသောရွေးနုတ်ကယ်တင်ခြင်းလည်း ကိုယ်တော်၌ရှိ၏။
8ကိုယ်တော်သည် အစ္စရေးလူမျိုးတို့ကို
သူတို့၏ဒုစရိုက်ရှိသမျှတို့ထဲမှ ရွေးနုတ်ကယ်တင်တော်မူလိမ့်မည်။
Currently Selected:
ဆာလံကျမ်း 130: MSBU
Highlight
Share
Copy
Want to have your highlights saved across all your devices? Sign up or sign in
MYANMAR STANDARD BIBLE©
Copyright © 2012, 2014, 2017, 2021 by Global Bible Initiative