Psalm 122
122
Jerusalem-aaq Nanrarluku
1Quyallruunga waten qanrutellratni,
“Ayagnaurtukut Atanrem eniinun.”
2Waniwa-llu tekitukut,
nangengqaluta Jerusalem-aam ikirtuqain iluatni!
3Nunarpak Jerusalem-aaq
taqenqegcaaraumaluni piliaqumauq.
4Tuavet yui Atanrem tailartut,
imkut ilakuralriartai Israel-aam,
quyaviksarturluku Ataneq
elliin alerquutekellra aturluku.
5Tuani Jerusalem-aami
atanri Israel-aam cuqcilartut.
6Piicagci uitanqegcisqelluku Jerusalem-aaq waten:
“Kenkesteten enuqicuilkilit.
7Qacarnerpet iluani yuut uitanqegcikilit
atanruvii-llu alingniurnaunateng.”
8Ilakutanka yugnikek'nganka-llu pitekluki
qanertua Jerusalem-aamun, “Uitanqegcitem nayurliten!”
9Kenkaqa Atanrem Agayutem Agayuvigpii,
taumek piicagtua Jerusalem-aaq piluaqaasqelluku.
Currently Selected:
Psalm 122: YPK
Highlight
Share
Copy
Want to have your highlights saved across all your devices? Sign up or sign in
Yupik Bible © 2012 American Bible Society. All rights reserved.
