Zenɛze 10
10
Ziiti tɔɔzei ʋelei
(1 Dɔlɔ Sɛʋɛi 1:5-23)
1Ziɛve golai leʋega ʋoluma, Nowe ná-doun zunuiti, Sɛme, Same ta Zafɛte, ti dointi sɔlɔɔni. Ti-mavofodaiti daaseigiti ti ɠɛni ga:
2Zafɛte mavofodaiti ti ɠɛni ga: Gomɛɛl, Magɔge, Madayi, Yavan, Tuɓale, Mesɛke, ta Tilase. 3Gomɛɛl mavofodaiti ti ɠɛni ga: Asakenaze, Lifate, ta Togaalema. 4Yavan mavofodaiti ti ɠɛni ga: Elisa, Taalasise, Kitime, ta Dodanime. 5Ti-mavofodaiti kaa, ti zeini ziɛ zaama yooiti su, ta kpoloɗɛi laaʋɛ yooiti. Ti vazagɛ zooiti su, eɠɛʋelei ta-ʋɛlɛyeɠeiti, ta ti-laawooiti ta ti-ma ziiti ti la.
6Same mavofodaiti ti ɠɛni ga: Kuse, Miselayime, Pute, ta Kanaan. 7Kuse mavofodaiti ti ɠɛni ga: Seɓa, Ɠavila, Saɓata, Layema, ta Saɓeteka. Layema mavofodaiti ti ɠɛni ga: Saɓa ta Dedan.
8Kuse Nimelɔde zɔlɔɔni, naa ɠa é ɠɛɛni ga zɛbɛsu nu wola mɔungi zooi ɠa. 9É ɠɛni ga doso wola Ɠɔoɠɔ GALAGI ɠaazu, naa ɠa é ba, a ɗa wo da ga: «Doso wolai Ɠɔoɠɔ GALAGI ɠaazu, eɠɛ Nimelɔde.» 10Ná-masadai ma laa wola mɔungiti ti ɠɛni ga Ɓaɓɛleni ta Elɛke, naa ʋɛɛ Akade ʋa, ta Kalené,#10:10 Kalené: Tati pelei taɠili ɓalaa ka ga nii: taa wola kpein niiti ti Sineyaal yooi zu. 11Naama yooi ʋoluma, Nimelɔde liini Asiili yooi zu, é Ninive laa wolai lo, ta Leɠoɓɔte-Iil, ta Kala, 12naa ʋɛɛ Lesɛn ʋa, nii é Ninive ta taa wolai Kala ti yɔɠɔzuʋɛ.
13Miselayime mavofodaiti ti ɠɛni ga: Lude nuiti, Aname nuiti, Leɠaɓe nuiti, Nafatu nuiti, 14Patɔlɔse nuiti, Kasulu nuiti, ta Kafatɔɔl nuiti. (Kasulu nui naati ka Filisiti nuiti kulaai ti zu).
15Kanaan ná-doun zunu mɔungi é sɔlɔɔni, naa ɠa é ɠɛni ga Sidɔn, naa ʋolu gelei ɠɛ ga Ɠɛte. 16Kanaan mavofodaiti ti ɠɛni ga: Yeɓuse nuiti, Amool nuiti, Giilegase nuiti, 17Ɠeve nuiti, Aaleke nuiti, Sine nuiti, 18Aalevade nuiti, Semaal nuiti, ta Ɠamate nuiti. Naa ʋoluma Kanaan nuiti ta-ʋɛlɛyeɠeiti ti vazani. 19Kanaan nuiti ta-you ɠwɛgi liini eyɛsu Sidɔn, Gelaal letema ʋelei, eyɛsu é zeeli Gaza, ta Sɔdɔme ʋele, é ʋɛɛ Gomɔɔl ʋele ʋa, é li Adema ta Seɓoyime, eyɛsu é gaaɓela Lesa yooi ma. 20Same mavofodaiti kana, eɠɛʋelei ta-ʋɛlɛyeɠeiti ti la, ta ti-laawooiti, ta ti-ma ziiti ta-yooiti su.
21Sɛme doun zunuiti ɓalaa sɔlɔɔni, tɔ ɠa é ɠɛni ga Eɓɛɛl lointi kpein ti-mɛmɛwolai, Zafɛte nɔnɔ liɛi. 22Sɛme mavofodaiti ti ɠɛni ga: Elame, Asuul, Aalapakasade, Lude, ta Alame. 23Alame mavofodaiti ti ɠɛni ga: Use, Ɠule, Getɛɛl, ta Mase. 24Aalapakasade Sela zɔlɔɔni, ta Sela Eɓɛɛl zɔlɔɔni. 25Eɓɛɛl zunu loun felegɔ zɔlɔɔni: Gilagi laaseigi ɠɛni ga Pelɛge,#10:25 Pelɛge: Daaseigi nii poluʋɛ ga «zeeɠaaɠwɛɛi». tɔɔzei ná-siɛgi zu ɠa zooi ɠa nuɓusɛiti zeeɠaaɠwɛɛni la, ta kɛɛɠɛloin laaseigi ɠɛni ga Yoketan. 26Yoketan mavofodaiti ti ɠɛni ga: Alamodade, Selɛfe, Ɠasaalemavɛte, Yela, 27Ɠadolame, Uzale, Dikila, 28Woɓale, Aɓimayɛle, Saɓa, 29Wofiil, Ɠavila, ta Yoɓaɓe. Niima nuiti pɛ ti ɠɛni ga Yoketan mavofodaiti. 30Ti zeini Mesa ta Sefaal ɠize yooi yɔɠɔzu, nii é folo ɠulazu ʋelei. 31Sɛme mavofodaiti kana, eɠɛʋelei ta-ʋɛlɛyeɠeiti ti la, ta ti-laawooiti, ta ti-ma ziiti ta-yooiti su.
32Nowe ná-doun zunuiti ta-ʋɛlɛyeɠeiti kana, eɠɛʋelei ti-mavofodaiti ti la, ti-ma ziiti saama. Tiya ɠa ziiti kpein kulaai ti zu, ti vazagai eteai zu ziɛve golai leʋega ʋoluma.
Currently Selected:
Zenɛze 10: GDZ
Highlight
Share
Copy
Want to have your highlights saved across all your devices? Sign up or sign in
Text copyright © 2023 Pioneer Bible Translators and The Bible Society in Guinea-Conakry
This work is licensed under the Creative Commons Attribution-NonCommercial-NoDerivatives 4.0 International.
https://creativecommons.org/licenses/by-nc-nd/4.0/
Texte copyright © 2023 Traducteurs Pionniers de la Bible et Alliance Biblique en Guinée
Cette œuvre est mise à disposition selon les termes de la Licence Creative Commons Attribution - Pas d'Utilisation Commerciale - Pas de Modification 4.0 International.
