Psalmyn 146
146
PSALM CXLVI.
1O m’annym, eeck da’n Chiarn e cheesh
Dy voylley ard dy bra;
2As gow arrane jeh mieys Yee
Ta coadey oo gagh laa.
3Ny cur dty hreisht ayns Prince erbee
Ny foast ayns niart yn eïll;
Son s’moal y chooney t’ayns nyn laue
Voish seaghyn dy endeil.
4Spooilt jeh nyn ennal t’ad goll mow,
T’ad tuittym reesht ayns joan;
Ayns loauys eajee coayl nyn mree,
Nyn niart as stayd ec kione.
5Eisht s’maynrey t’eh ta ’varrant soit,
Son coadey er e Yee;
Ta goaill Jee Yacob son e niart,
T’eh ceau e hraa ayns shee.
6Son Jee ren niau, yn ooir, as keayn,
As dagh nhee ayndoo ta:
E ghialdinys t’eh cummal seose,
As niartal son dy bra.
7-9Yn boght cha lhig eh ve gyn cour,
Tra huittys eh ayns feme;
Ny accryssee t’eh jannoo magh,
As clashtyn rish nyn eam.
Yn joarree as yn chloan gyn-ayr,
Ta ard-chiarailys Yee;
Dy veaghey lesh y palchey smoo
Yn traa t’ad huggey roie.
Trimshey’n ven-treoghe tra t’ee ayns feme
Ta Jee coyrt tastey da;
Agh raaidyn olk mee-viallee,
T’eh bun-ry-skyn chyndaa.
10-12Ta’n ooilley-niartal Chiarn ny ree,
Dy bragh ayns Sion reïll;
Veih eash dy eash ta ’phooar goll magh
As roshtyn er y theihll.
Currently Selected:
Psalmyn 146: PS1761
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
