Psalmyn 143
143
PSALM CXLIII.
1Eaisht rish my ghuee, Hiarn, as gys m’eam
Cur cleaysh as bee foayroil;
As lurg dty ghialdyn firrinagh,
Cur dou ansoor graysoil.
2-4Ec stoyl dty vriwnys dy ve try't,
Ny briwnys mee dy geyre;
Son ayns dty hilley dooinney bio
Cha vel veih peccah seyr.
5Smooin-ym er laghyn foddey ceaut,
As yindyssyn dty laue;
Er cre cha mennick ta dty phooar,
Er my livrey ayns gaue.
6Lesh padjer imlee sheeyn-ym hood
Dy jeean my laueyn magh;
My chree ort geam, myr thalloo losht
Feme fliaghey ymmyrchagh.
7Eaisht rhym dy leah, ta mee failleil,
Voym, Hiarn, ny chyndaa dt’oaie,
Nagh bee’m goll roo ta gyn treishteil,
Hees dowin nyn lhie ’syn oaie.
8-9Dty aigney graihagh soilshee dou,
Son ta my varrant ort;
Jeeagh dou yn raad ayn lhisin shooyl
Hood dy vod m’annym troailt.
10Uss, uss, my Yee, gys dt’aigney mie,
Ynsee dou biallys;
Lhig da dty Spyrryd my leeideil
Ayns raad ny ynrickys.
Currently Selected:
Psalmyn 143: PS1761
Highlight
Share
Copy
Want to have your highlights saved across all your devices? Sign up or sign in
maintained by the British and Foreign Bible Society
