ÉH POLÉNG 5

Surat éh nelen ngan Anak Domba

1 # Yeh. 2:9-10, Yes. 29:11 La'ah ta'an ké' lem ojoo' Néh saa' na'au' Iah éh menyun bau nyun inah, jah lem surat éh lepah pesurat saa' lem ngan saa' likot péh ngan tenada' palaa' tujuu' tada'. 2La'ah ta'an ké' kepéh jah meliket éh ja'au penyukat, éh bara' ngan ja'au ha' ka' ha' néh, séé' éh tekep mega' kekat tada' iteu' ngan muka len surat iteu, ha' néh. 3Bang bé' pu'un séé'-séé' péh tong seruga kenat péh tong tana' ngan ra' tana' péh éh omok muka len surat inah ngan purung ha' lem néh. 4Akeu' mangaa' besikon uban bé' pu'un jah kelunan péh éh tekep muka len surat inah ngan purung ha' lem néh. 5#Kej. 49:9, Yes. 11:1, 10 Boh jah pengeja'au sinah bara' ngan ké', ha' néh, Mai ke' mangaa'. Na'at ke', Singa' éh jin betah Yehuda, éh pohoo' néh jin Daud, pu'un éh lepah menang ngan Iah omok mega' tujuu' telana' inah ngan mukap surat inah, ha' néh.

6 # Yes. 53:7, Sak. 4:10 La'ah ta'an ké' jah Anak Domba nekedéng belah nyun inah, tutuh néh pu'un pat penyuai éh murip ngan kekat pengeja'au inah. Anak Domba inah layan néh barei' éh lepah penatai. Anak Domba inah pu'un tujuu' uheng ngan tujuu' maten Néh, inah éh tujuu' sahéé' éh jin Allah éh lepah senohoo' Néh tai pah tipo tana'. 7Anak Domba inah tai alaa' len surat inah jin ojoo' saa' na'au' Iah éh menyun bau nyun inah. 8#Msm. 141:2 Tovoo' Anak Domba inah maneu' kenat, pat penyuai éh murip inah ngan duah poloo' pat irah pengeja'au inah ngejekuu' lep réh tong jumen Anak Domba. Siget usah réh petep sapé' ngan jah pigan mas éh pu'un kemenyan inah éh kekat ha' sebayang irah éh anah Allah. 9#Msm. 33, 98:1, Yes. 42:10 La'ah irah nyanyi, jah nyanyi éh maréng, ka' ha' réh.

Ka'au' éh tekep alaa' len surat inah

ngan mega' tada' tong néh.

Uban Ka'au' éh penatai réh, ngan neu' dahaa' Ko',

pu'un Ke' melih kelunan jin siget pohoo', siget arong ha',

siget leboo' ngan siget arong kelunan béé dokoo' réh omok anah Allah.

10 # Kel. 19:6, Pol. 1:6 Pu'un Ke' maneu' réh

imam dokoo' réh omok seva' Allah ngan maneu' kereja' Néh.

Omok réh pengeja'au ngan mihau kelunan tong tana', ha' nyanyi réh.

11 # Dan. 7:10 La'ah pu'un ku' na'at kepéh, boh ku' menéng ha' irah meliket éh pinaa' mu'un ibu-ibu ngan juta-juta kekat réh. Pu'un réh nekedéng tutuh nyun inah, ngan pat usah penyuai éh murip ngan kekat irah pengeja'au nah. 12Irah Nyanyi ngan ha' éh ja'au,

Anak Domba éh lepah penatai inah tekep alaa'

penyukat, pengekaya',

pengejam, pengegahang,

penyeva', pengaren, ngan kenajung.

13La'ah akeu' menéng ha' kekat penyuai éh murip tong seruga, tong tana', ra' tana' péh, ngan kekat penyuai éh murip lem baa' banget ngan kekat penyuai éh murip tong langit ngan tong tana' iteu', irah nyanyi.

Kekat kenajung ngan penyeva'

pengaren ngan penyukat anah Iah éh menyun bau nyun inah kenat péh ngan Anak Domba inah

pah avéé' kelebéé'-lebéé' néh.

14La'ah pat usah penyuai éh murip nah mipa réh, Amin! Kekat pengeja'au inah péh ngejekuu' lep réh ke' réh seva' Allah ngan Anak Domba inah.

Currently Selected:

ÉH POLÉNG 5: PNT

Highlight

Copy