MATIUS 16

Tong kelunan nyohoo' Yésus maneu' telana' ja'au

(Mrk. 8:11-13, Luk. 12:54-56)

1 # Mat. 12:38, Luk. 11:16 La'ah tuai irah Parisi ngan irah éh kivu adet Saduki tuai tavin Yésus. Irah juk pesala' éh, inah réh nyohoo' éh maneu' jah telana' ja'au éh omok pepoléng Allah pu'un ngan Néh. 2Boh Yésus bara' ngan réh, 3Hun keh na'at ahéng tong langit, telah hun iteu', ha' keh, ngan pu'un éh telah. Hun keh na'at langit baleng, taa' dau dat, ha' keh, ngan pu'un éh taa'. Ka'ah jam seruh hun néh juk taa' ngan bé' péh neu' keh na'at langit, bang bé' keh jam seruh tong kekat telana' éh pu'un sioo' hun iteu'. 4#Mat. 12:39, Luk. 11:29 Sa'at mu'un kelunan éh murip hun iteu', bé' réh ngelan tong Tuhan. Ka'ah nyohoo' Akeu' maneu' jah telana' ja'au, bé' Akeu' maneu' éh dat. Jah awah telana' ngan ka'ah, inah éh telana' tong Nabi Yunus, ha' néh. La'o inah Iah piso jin réh.

Tong tawan-pekevat éh penakai kelunan Parisi ngan irah Saduki

(Mrk. 8:14-21)

5La'ah hun irah bakéh Yésus papit saa' dipa baa' banget, kelepan réh mihin roti. 6#Luk. 12:1 La'ah ha' Yésus ngan réh, Mavaa' keh jian-jian tong tawan-pekevat éh penakai kelunan Parisi ngan irah Saduki, ha' néh.

7Boh irah bakéh néh pané belah irah ke', ka' ha' réh, Kenat ha' néh uban tam ngelepan mihin roti rit, ha' réh.

8La'ah kejam Yésus ha' réh pané kenat, boh éh neteng réh, Uban ineu' keh pané kenat bara' bé' pu'un roti? Si'ik mu'un pengelan keh. 9#Mat. 14:17-21 Kineu' keh to bé' nesen. Kineu' keh, bé' keh nesen tong éh neu' ké' tovoo' ké' mutip lemah roti jalan ké' pakan lemah ibu kelunan rai? Kuraa' gaweng la'an ka'an éh senemung keh rai? 10#Mat. 15:34-38 Ngan hun ké' mutip tujuu' roti jalan ké' pakan pat ibu kelunan rai, kuraa' gaweng la'an éh senemung keh? 11Kineu' keh bé' nesen tong ha' ké' ri', bé' Akeu' pané tong ka'an nah mu'un. Mavaa' keh jian-jian tong tawan-pekevat éh penakai irah Parisi ngan irah Saduki, ha' néh.

12Boh irah nesen bé' Iah nyohoo' réh mavaa' tong tawan-pekevat éh penakai kelunan, bang Iah nyohoo' réh mavaa' dai réh tawang neu' ha' tebaraa' éh benara' irah Parisi ngan irah Saduki péh.

Tong Péterus bara' tong usah Yésus

(Mrk. 8:27-30, Luk. 9:18-21)

13La'ah tai Yésus tong tana' tutuh leboo' Kaisarea Pilipi, sinah éh neteng irah bakéh néh, ka' ha' néh ngan réh, Kineu' Kunah irah séé' Anak Kelunan nah kunah? ha' néh.

14 # Mat. 14:1-2, Mrk. 6:14-15, Luk. 9:7-8 Ha' réh mipa éh, Ha' jelua' réh bara' Yohanes Batis, pu'un jelua' réh bara' ke' kepéh, Elia, ngan pu'un jelua' réh bara' Yéremia, ngan pu'un jelua' réh bara', barang jah nabi Tuhan, ha' réh.

15Iah neteng réh kepéh, Bang kineu' ha' ka'ah, séé' Ku' kunah ka'ah, ha' néh.

16 # Yoh. 6:68-69 Ha' Simon Péterus mipa éh, ka'au' éh Kristus éh Anak Allah éh murip, ha' néh.

17Ha' Yésus kepéh, O Simon anak Yohanes, murung kenin ko' uban bé' ke' jam éh neu' kelunan éh bara' éh ngan ko', bang Tamen ké' éh tong seruga Iah éh mena' pengejam inah ngan ko'. 18Akeu' bara' ngan ko', ka'au' Péterus barei' bateu', ngan tong bateu' inah Akeu' juk suai sidang ké', bé' pu'un ineu'-ineu' éh omok kebéé éh, patai péh bé' omok. 19#Mat. 18:18, Yoh. 20:23 Akeu' mena' penyukat ngan ko' bau irah éh lem nihau ké'. Ineu'-ineu' éh bé' buhaa' ko' neu' kelunan tong tana' iteu', kenat péh éh tong seruga kepéh. Ngan ineu'-ineu' éh kejeraa' ko' neu' réh tong tana' iteu', kenat péh éh tong seruga kepéh, ha' néh.

20La'o inah Yésus meta' réh bara' Iah éh Kristus. Bé' Iah buhaa' réh bara' éh ngan séé'-séé' péh.

Tong Yésus bara' tong pengeketa ngan pematai néh

(Mrk. 8:31—9:1, Luk. 9:22-27)

21Jin la'o inah, inah éh bu'un Yésus pané petek ngan irah bakéh néh bara' tong pematai néh, ka' ha' néh, Adang tekep Ku' tai leboo' Yérusalem ngan jam keta mu'un neu' irah pengeja'au Kemiti Yahudi ngan neu' irah pengeja'au imam ngan neu' irah guru éh nebaraa' tong sohoo' lem Surat Musa. Adang réh pu'un mematai Akeu' ngan tong keteleu' dau, Tuhan juk pebetéé' Akeu' kepéh, ha' néh.

22Boh Péterus mihin éh tengéé' ke' néh meta' éh pané kenat, ka' ha' néh, O Tuhan, mai Allah kejeraa' ineu'-ineu' teneng tong ka'au' kenat, ha' néh.

23Boh Yésus pupah ke' néh pané ngan Péterus, ka' ha' néh, Kelap ke' Sitan, Ka'au' juk mapat jalan Ké' awah, kekat penyeruh ko' inah, bé' éh jin Allah, jin tana' iteu' awah éh, ha' néh.

24 # Mat. 10:38, Luk. 14:27 Boh Yésus bara' ngan irah bakéh néh, ha' néh, Hun pu'un séé'-séé' juk kivu Akeu', mai éh kivu pengeloo' néh tengéé', bang siget-siget dau jian éh alaa' salib néh tengéé' ke' néh kivu Akeu'. 25Kelunan éh seruh juk mihau urip néh tong tana' awah, tawang urip néh inah, kenat péh kekat pengeloo' néh kepéh. Bang kelunan éh bet kekat pengeloo' néh tengéé' ke' néh ngajung Akeu' dalem kekat penganeu' néh, kelunan inah éh omok murip mu'un. 26Ineu' gunah hun kelunan alaa' kekat éh tong tana' iteu' hun usah néh tengéé' tawang? Bé' pu'un gunah néh. Bé' pu'un ineu'-ineu' éh omok nena' néh ke' néh omok alaa' urip néh kepéh. 27#Mat. 25:31, Msm. 62:12, Rum. 2:6 Uban Anak Kelunan juk tuai lem kekat pengaren Tamen Néh ngan meliket Néh, ngan mena' oléé' siget usah pekua' barei' penganeu' réh tong tana'. 28Akeu' bara' mu'un ngan keh, pu'un kelunan siteu' éh bé' omok matai avéé' néh na'at Anak Kelunan tuai Raja', ha' néh.

Currently Selected:

MATIUS 16: PNT

Highlight

Copy