Mat 15

Myambo ya Ayuda

(Mk 7:1-13)

1Nsiku iyakine, Afalisi na Asambizyi ŵa Matetulo ayakine ŵa ku Yelusalemu eciya kwa Yesu nomukonsha kuti, 2“Cikomo ni cinji asambili ŵanu ofwaya myambo ya makolo? Osasamba ku manja pakulya.”

3Yesu eŵayasuka kuti, “Mufwayilanji Matetulo ŵa Mulungu cikomo ca myambo yanu? 4#Ek 2:12; 21:17; Lv 20:9; Dt 5:16Pakuti Mulungu epingula kuti, ‘Cinzika auso na anyoko,’ na kuti, ‘Aliyense otafulila awisi keno anyina opangwika kufwa.’ 5Koma mwewo mulaŵila kuti, ‘Keno aliyense akawuzya awisi keno anyina kuti venenzopangwa kumupani vatwaliwa cawanzi kwa Mulungu, 6opangwikalini kucinzika awisi.’ Tetyo, mwaceneka Malizu ŵa Mulungu cikomo ca mwambo wanu. 7Mwewo ŵanthu wolipazya! Mneneli Yesaya enenela kwa mwewo kuti,

8 # Ysa 29:13 ‘Ŵanthu aŵa onicinzika na milomo yawo,

koma mitima yawo ili kutali na newo

9Onilambila mwa tyala,

pakuti vakusambizya ngani visambizyo ni matetulo ŵa ŵanthu tyala.’”

Vuyifya munthu

(Mk 7:14-23)

10Pa vuli pake Yesu eyita ŵanthu noŵawuzya kuti, “Mvwani nipo mumvwishishe: 11culoŵa mu kamwa mwa munthu cingamuifyelini, koma cufuma mu kamwa niye cingamuifye.”

12Asambili ewela nakuzomukonsha kuti, “Muziŵa kuti Afalisi akumbulwa pemwenzolaŵila ivi?”

13Yesu eŵayasuka kuti, “Mmela uliwonse waliyokomole Atata ŵa Kululu ukanyuliwe. 14Asiyeni, ni acitangulila aliye menso. Keno mphofu yutangulila mphofu iyake, wonse aŵili oponela mu cisengu.”

15Petulo elaŵila kuti, “Tiwuzyeni vamutanthauza polaŵila ivi.”

16Koma Yesu emuyasuka kuti, “Kansi nawe umvwishishalini? 17Muwonalini kuti ciliconse culoŵa mu kamwa cupitilila kuya mu mala nofuma? 18Koma cufuma mu kamwa cupitilila kufuma ku mtima, nipo cuyifya munthu. 19Pakuti mu mtima mufuma ivi: malingililo ayipa, kupaya, ucende, kacenche, ukawalala, umboni wa wenye na msikila. 20Ivi niye vuyifya munthu. Koma kulya cosasamba ku manja kungayifyelini aliyense.”

Cicetekelo ca mwanakazi asali Muyuda

(Mk 7:24-30)

21Yesu efumako uku noluta ku citwa ca Tilo na Sidoni. 22Kwiwela mwanakazi asali Muyuda#15:22 asali Muyudawa ku Kenani enzolila kuti, “Asikulu, Mwana wa Davide, nicitileni lusungu. Mwana wangu mwanakazi wakatiwa na ciŵanda.” 23Koma Yesu aliyomuyasuke ciliconse.

Asambili ŵake ewela kuzomusenga kuti, “Mupilikisheni, otililila.”

24Yesu eŵayasuka kuti, “Newelela mbelele zotayika za mu ngʼanda ya Isilayeli.”

25Mwanakazi ŵala ewela nakuzofukama pafupi na yeve nolaŵila kuti, “Asikulu, niyavyeni.”

26Koma Yesu eyasuka kuti, “Ni ciwemelini kutola cakulya ca ŵana kutayila imbwa.”

27Mwanakazi wala elaŵila kuti, “Ni cendi, Asikulu. Koma cukanga imbwa zikulya mapona–pona ŵa polyela pa asikulu ŵawo.”

28Yesu emuyasuka kuti, “Wewo mwanakazi, cicetekelo cako ni cikulu! Vaupangwa vicitike.” Nipo mwana wake epola pamene apo.

Yesu opozya ŵanthu anyinji

29Pa vuli pake Yesu efumako kwala noluta mu mbali mwa Cimmana ca Galileya. Ekwela pa lupili nonkhala pansi. 30Winji wa ŵanthu wiwela kwa yeve, na ŵanthu olemala, mphofu, opunduka, asilaŵila na ayakine, noŵayika pafupi na yeve, nipo eŵapozya. 31Ŵanthu wonse ŵala ekanganishiwa, peciwona asilaŵila kulaŵila, opunduka kuŵa luweme, olemala kuyenda, na mphofu kulolesha. Ecinzika Mulungu wa Isilayeli.

Yesu olyesha ŵanthu kupula myanda inayi (4,000)

(Mk 8:1-10)

32Yesu eyita asambili ŵake noŵawuzya kuti, “Nikumvwa nawo citinthi ŵanthu, cikomo aŵa nane masiku atatu osalya kalikonse. Nipo nine wosakonzeka kuŵawezya na njala, pakuti angalefuke pa njila.”

33Asambili emukonsha kuti, “Tivitole kuni vakulya kuno ku sanga vatitipe ŵanthu aŵa anyinji teti?”

34Yesu eŵakonsha kuti, “Muli na mikate ingananji?”

Ŵeve eyasuka kuti, “Tili nayo isano na iŵili, na tumasaŵi tutontho.”

35Yesu elamulila winji wala kuti unkhale pansi. 36Etola mikate isanu na tumasaŵi notembezya Mulungu, nosuna–suna, nakupa asambili, nipo asambili ecipa winji wala. 37Wonse ecilya nokuta. Nipo asambili ŵake etola vitundu visanu na viŵili va vakulya vosalapo. 38Ŵanthu ecilya enze myanda inayi analume ŵeka, kufumyako anakazi na ŵana.

39Pecizyosha winji wala ekwela mu wato notawuka kuya ku citwa ca ku Magadani.

Currently Selected:

Mat 15: GMN

Highlight

Copy