KO E SAAME 54
54
Ko e Lotu Kole Malu‘i Mei he ngaahi Fili
(Ki he Pule ‘o e Hiva. Ke fai mo e ngaahi me‘a helefilo. Ko e Hiva-ako ‘a Tēvita. Ko e taimi na‘e ‘alu hake ai ‘a e kau Sifi, ‘o nau pehē kia Saula, “Ikai ‘oku toi ‘a Tēvita ‘i homau feitu‘u?”)
1ELOHIMI, ke ke fakamo‘ui au ‘o taau mo ho huafa,
Pea fakamaau ‘eku me‘a ‘o taau mo ho to‘a.
2‘Elohimi, fanongo ki he‘eku lotu;
Ofe‘i ho fofonga ki he lea ‘a hoku ngutu.
3He kuo tu‘u kiate au ha fanga muli,
Pea ko e kau fakamālohi kuo tuli ki he‘eku mo‘ui;
Kuo ‘ikai te nau tuku ‘i honau ‘ao ‘a ‘Elohimi. (Sila)
4Vakai, ko ‘Elohimi hoku tokoni;
Ko ‘Ātonai ko e pāletu‘a ‘o ‘eku mo‘ui.
5Te ne fakafoki ki hoku ngaahi fili ‘enau kovi:
‘Ē, faka‘auha kinautolu ‘o taau mo ho‘o mo‘oni.
6Te u fai fiefai ha feilaulau ki he ‘Afiona:
Te u fakafeta‘i ki ho huafa, ‘e Sihova; he ‘oku lelei ia.
7He kuo ne hamusi au mei he kotoa ‘o ‘eku mamahi;
Pea ko e sioa ‘e hoku mata ‘a hoku ngaahi fili.
Currently Selected:
KO E SAAME 54: TMB
Highlight
Share
Copy
Want to have your highlights saved across all your devices? Sign up or sign in
Tongan Moulton Bible © Bible Society of the South Pacific, 2011.
