Legic 29
29
Yaweac kuc yanda.
1(Dawidiac legic ʒéra.) Kucginaguc ini qac buŋa ʒéma kuc buŋa imi Yaweac meleŋmigic iwac buŋa waŋu. 2Edamu asaha qac buŋayawac séha mihicŋi mima séwi usu téréya héima Yawe mepési migic.
3Yaweac ewa hétéŋ imi doku qahaiguc hicŋima hezac. Anutu edamuyaguc inéŋ parandaŋ mihicŋianʒac imuac Yawe imi doku yanda qahaiguc kecʒac. 4Yaweac ewa hétéŋ imi kuhaguc. Yaweac ewa hétéŋ imi kuc eeyaguc. 5Yaweac ewa hétéŋ iminéŋ yéménʒéc ic kuanʒac. Yawenéŋ Lebanon yéménʒéc ic kuyu maanʒac. 6Inéŋ waŋu Lebanon#29:6 Lebanon imi Galilaia doku téfaraiguc hénni baec waŋgoŋa Not iguc nanʒac. imi haséŋ burumakao merawa tanec técgéyu Sirion#29:6 Herimon baec boŋawac qara méŋ, Lebanon baec boŋaiguc hénni kaiwe éré éréyaiguc nanʒac. imi burumakao sac ɋelia tanec técgézac.
7Yaweac ewa hétéŋnéŋ waŋu geric bélaŋa téma maanʒac. 8Yaweac ewa hétéŋ iminéŋ waŋu baec kisianéŋ hirianʒac. Inéŋ waŋu Kadesi baec kérakérasianéŋ hirizac. 9Yaweac ewa hétéŋnéŋ waŋu dia yaŋnéŋ aurima aʒi kiyu merac alia mezac. Waŋu ic ʒuŋ imi hetecgéyu katanec waŋanʒac. Imuac ocmuŋ téréyaiguc haka imi mocʒoŋnéŋ edamuyaguc! ʒémizu.
10Yawenéŋ doku ɋaoŋ luyu imuaru tatacya késa tarec. Waŋu Yawenéŋ tetecgia qahac ic kewu wamma kecmac. 11Yawenéŋ ic embachéra kuha qeénécmianʒac. Yawenéŋ ic embachéra luaeac mériaŋa énécmianʒac.
Currently Selected:
Legic 29: KGF
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
