Malako Maphɔɔ ma etatele
Maphɔɔ ma etatele
O nte ya ɓabuku ɓa Simo Elaa ɓasɔ ɓane, phaaka Malako ɓoli ɓokuwe ɓombe kula na wɛnɛnɛ oɓokye ɓoli ɓookasi. Nkombo ya Malako eyɔkɔ eli Yoane Malako. Toewɛnɛ o Malako 14.51; Bitoma 12.12, 25; 13.5, 13; 15.37, 39; Ɓakolose 4.10; 2 Ti 4.11; Filemona 24; 1 Petelo 5.15.
O nkanda ya ɓaanosi ɓaakasi ɓakoma oɓokye Malako aɓaka «mpengyi» ya Petelo o mokyisi ŋwa Loma; yango mɛna iimola sɛ sa Simo Elaa siɓengye ɓowaɓaka Petelo kateya.
O Simo ya Malako tomozwa maphɔɔ mama:
- Malako 1.1-13: Yoane Moɓatise kaɓɔngyisele Yesu nzela; Yesu aɓatisami, aesi ya kyɛndɛ o bokye; omɔɔ Satana amumekyi
- Malako 1.14–10.52: Etoma ya Yesu o Galileya: Yesu amiteye oɓokye ali moto ooli na ɓokonzi; atati iimola ɓaekosi ɓɛ́ɛ ɓowamowa yo na ɓowamokundwa yo. Aesi ya mana o Galileya akye o Yelusalɛmɛ
- Malako 11.1–16.8: Pɔsɔ ya Yesu eya suka o Yelusalɛmɛ. Ɓato ɓayambaka Yesu na ɓolaa. Kasi maphɔɔ maaɓaka yo kakyele na mateya mɛ temaikaka ɓaa masepelisa ɓakonzi. Waa nkɔlɔ ya ilɛngyɛlɛ eyenga ya Ilekana, Yesu amba ya za na ɓaekosi ɓɛ́ɛ mozaa ŋwa suka, sima aesi ya kyɛ ɓɔndɛlɛ o inzabi sa ɓa olive; omɔɔ ɓaesi ya moakya, emba ɓamba ya kyɛ moɓoma oekulusu. Kasi na munkukutu, o sima ya mokolo ŋwa Saɓata, moanze monomo amba ya vana na ɓasi ɓakyɛkyɛ kyeka ilita sa Yesu, aesi ya ɓaimola oɓokye Yesu akundoo
- Malako 16.9-20: Yesu atɔkɔlɛsi ɓato ɓɛ, emba abaa o ikolo
Nwɛbi motangyi, ɓakoma mokanda ŋwa «Simo Elaa» mumu phɔ na ɓanga toanole «sekyele» ya Yesu wa Nazalɛtɛ, ɓo wanola mokonzi ŋwa ɓatuluku wa Loma oɓokye «Nde phɛlɛ, moto oyo aɓakyi Ŋwana wa Ŋwaphongo» (15.39).
Currently Selected:
Malako Maphɔɔ ma etatele: loqNT
Highlight
Share
Copy
Want to have your highlights saved across all your devices? Sign up or sign in
© 2018, Wycliffe Bible Translators, Inc. in collaboration with ACOTBA-SUBO