မတ်ႈ ၵႂၢမ်းၼမ်း
ၵႂၢမ်းၼမ်း
ၶၢဝ်ႇတြႃးသိူဝ်းပျေႃႇမတ်ႈထႄႇ၊လၢတ်ႈလွင်ႈတြႃးၸဝ်ႈယေႇသု၊ၼႆႉၵေႃႉတႅမ်ႈမၼ်းၸိုဝ်ႈမတ်ႈထႄႇ၊ပဵၼ်လုၵ်ႈၸၢႆးဢႃႇလၽေး၊လႄႈယင်းပဵၼ်တပႄးၸဝ်ႈယေႇသု၊ၵေႃႉၼိုင်ႈၵႃႈၼႂ်းသိပ်းသွင်ၵေႃႉၼၼ်ႉဢေႃႈ။ မၼ်းမီးၸိုဝ်ႈထႅင်ႈဢၼ်ၼိုင်ႈႁွင်ႉဝႃႈ၊လေႇဝိ၊ၼၼ်ႉဢေႃႈ။ မၼ်းတႅမ်ႈၶၢဝ်ႇတြႃးသိူဝ်းပျေႃႇၼႆႉမိူဝ်ႈပီၸဝ်ႈၶရိၸ်ႈ၊ 70 (A.D. 70) ၼၼ်ႉဢေႃႈ။ ၶၢဝ်ႇတြႃးသိူဝ်းပျေႃႇၼႆႉလၢတ်ႈလွင်ႈၸဝ်ႈၶရိၸ်ႈ၊ပဵၼ်ၸဝ်ႈၵႄႇၶျွတ်ႈဢေႃႈ။ ၽြႃးပဵၼ်ၸဝ်ႈမီးၵတိဝႆႉဝႃႈ၊မၼ်းၸဝ်ႈတေပွႆႇၸႂ်ႉၸဝ်ႈၵႄႇၶျွတ်ႈမႃးၵႃႈၼႂ်းလေႃးၵႃႉၼႆႉၼင်ႇႁိုဝ်ၵႂၢမ်းတြႃးၵျၢမ်းၵဝ်ႇတၵ်းပျေႉၸုမ်ႇၸိုင်၊မၼ်းၸဝ်ႈပွႆႇၸႂ်ႉၸဝ်ႈယေႇသု၊မႃယဝ်ႉ။ ပိူဝ်ႈၼႆလႄႈၶၢဝ်ႇတြႃးသိူဝ်းပျေႃႇၽိုၼ်ၼႆႉပဵၼ်ပုၼ်ႈတႃႇၵူၼ်းမဵဝ်း ၵျူး၊ၶဝ်ၵူၺ်းဢမ်ႇၸႂ်ႈ။ ပဵၼ်ပုၼ်ႈတႃႇၵူၼ်းမိူင်းလေႃးၵႃႉတင်းသဵင်ႈတင်းမူတ်းဢေႃႈ။
သြႃႇမတ်ႈထႄႇ၊တႅမ်ႈမၢႆပိုၼ်းၸဝ်ႈယေႇသု၊ဝႆႉတႄႇၸႃႉဢဝ်လွင်ႈၸဝ်ႈယေႇသု ၵိူတ်ႇလဵင်ႉမႃး၊လွင်ႈမၼ်းၸဝ်ႈၶၢမ်ႇမၢင်ႇၵလႃႇပပ်ႉတိၸမ်ႇ၊#“ပပ်ႉတိၸမ်ႇ” - မၢင်ႇၵလႃႇတၢင်းၸူမ်ၼမ်ႉ လွင်ႈတၢင်းဢၼ်လႆႈၶၢမ်ႇၸၢမ်းတူၺ်းယႃႉယုၵ်ႉၸိူဝ်းၼၼ်ႉဢေႃႈ။ သမ်ႉသိုပ်ႇလၢတ်ႈလွင်ႈတြႃးဢၼ်မၼ်းၸဝ်ႈသင်ႇသွၼ်ပၼ်ၸိူဝ်းၼၼ်ႉဢေႃႈ။ တြႃးၸဝ်ႈဢၼ်ႁေႃးလၢတ်ႈတီႈၼိူဝ်လွႆ (ၼႂ်းတွၼ်ႈ 5-7) ၼၼ်ႉသွၼ်ပၼ်လွင်ႈတၢင်းၵမ်တၢင်းၵျၢင်ႉၶရိၸ်ႈယၢၼ်ႇဢေႃႈ။ မၼ်းၸဝ်ႈသမ်ႉသွၼ်ပၼ်တမၢၼ်ႇၸဝ်ႈသိပ်းသွင်ပႃး (ၼႂ်းတွၼ်ႈ 10) ၼၼ်ႉတၵ်းတေလႆႈပွင်ၼႃႈၵၢၼ်သႃႇသၼႃႇၸိူဝ်ႉၼင်ႇႁိုဝ်ၼၼ်ႉဢေႃႈ။ မၼ်းၸဝ်ႈဢဝ်ၵႂၢမ်းဢုပမႃႇသွၼ်ပၼ်လွင်ႈမိူင်းၵၢင်ႁၢဝ် (ၼႂ်းတွၼ်ႈ 13) ဢေႃႈ။ တြႃးဢၼ်သွၼ်ပၼ်ႁႂ်ႈပဵၼ်တပႄးၸဝ်ႈၸႅတ်ႈၸႅတ်ႈ (ၼႂ်းတွၼ်ႈ 18) ၼၼ်ႉဢေႃႈ။ လိုၼ်းသုတ်း (ၼႂ်းတွၼ်ႈ 23-25) မၼ်းၸဝ်ႈသွၼ်ပၼ်လွင်ႈတီႈသုတ်းၵွႆၸၢတ်ႈၼႆႉ၊ဢိၵ်ႇတင်းလွင်ႈမိူင်းၵၢင်ႁၢဝ်ၸၢတ်ႈၼႃႈၸိူဝ်းၼၼ်ႉဢေႃႈ။
ၶၢဝ်ႇတြႃးသိူဝ်းပျေႃႇၼႆႉလၢတ်ႈၼႄလွင်ႈၸဝ်ႈယေႇသု၊ပဵၼ်ၸဝ်ႈသြႃႇလူင်ဢၼ်ယႂ်ႇမျၢတ်ႈၼႃႇၼၼ်ႉဢေႃႈ။ ၽိုၼ်လိၵ်ႈတြႃးၼႆႉၸိုင်၊ၸိူဝ်းၸဝ်ႈၼမ်ၼႃႇဢွၼ်ၵၼ်ၽတ်းဢၢၼ်ႇႁေႃးလၢတ်ႈၵႃႈၼႂ်းၵျွင်းပိၵ်ႈမၢၼ်ႇၸဝ်ႈၼမ်ၼႃႇဢေႃႈ။ ပိူဝ်ႈၼႆၸင်ႇဢၼ်ၽိုၼ်လိၵ်ႈတြႃးၼႆႉလႆႈၶၢမ်ႇၸတ်းဝၢင်းဝႆႉဢွၼ်တၢင်းပိူၼ်ႈၵႃႈၼႂ်းၵျၢမ်း မႂ်ႇဢေႃႈ။
ႁူဝ်ၶေႃႈဢၼ်ၶဝ်ႈပႃးၸမ်ႉ
လွင်ႈၸိူဝ်ႉၶိူဝ်းၸဝ်ႈယေႇသု၊ဢိၵ်ႇတင်းတၢင်းဢၼ်ၵိူတ်ႇလဵင်ႉမႃး1:1-2:2
လွင်ႈၵၢၼ်တၢင်းႁဵတ်းသြႃႇယူဝ်းႁၢၼ်ႇ၊ဢၼ်ပၼ်ပပ်ႉတိၸမ်ႇ3:1-12
လွင်ႈပပ်ႉတိၸမ်ႇတင်းတၢင်းဢၼ်ၸၢမ်းတူၺ်းဢၼ်ၸဝ်ႈယေႇသု၊လႆႈၶၢမ်ႇ3:13-4:11
လွင်ႈၵၼ်တၢင်းႁဵတ်းၸဝ်ႈယေႇသု၊ၵႃႈၼႂ်းမိူင်းၵႃႇလိလႄး၊4:12-18:35
လုၵ်ႉသေမိူင်းၵႃႇလိလႄး၊ၵႂႃႇၸူးဝဵင်းယေႇရုသလႅမ်ႇ၊19:1-20:34
လွင်ႈၸူဝ်ႈၶၢဝ်းဝၼ်းလိုၼ်းသုတ်းၸဝ်ႈၼႂ်းဝဵင်းယေႇရုသလႅမ်ႇ၊21:1-27:66
လွင်ႈလုၵ်ႉၶိုၼ်းလိပ်းတင်းလွင်ႈမၼ်းၸဝ်ႈၼႄတူဝ် 28:1-20
Currently Selected:
မတ်ႈ ၵႂၢမ်းၼမ်း: SHNCL
Highlight
Share
Copy
Want to have your highlights saved across all your devices? Sign up or sign in