Jon 13

O Iesu i gos a kum kikin anun a kum nat na ususer

1A labino bung na lotu na Wanlakai i sa milau, ra o Iesu i tasmani lena i sa milau sur in nan mo gusun a rakrakon bual, ma in nan torom o Tamano. I maris doko anun a taro ra det kis una rakrakon bual, ra uniri i ese anun a labino marmaris torom det, a marmaris ra katu tuktukino. 2#Lk 22:3; Jn 13:27Una mirum, o Iesu tomo nam anun a kum nat na ususer det wangon tomo. Numugu tan anundet a inangon, o Satan i sa unuk tar o Judas Iskariot, a nutun o Saimon, sur in usobor tar o Iesu. 3#Jn 3:35; 16:28O Iesu i tasmani lena, o Tamano i sa pitar rop tar a dekdek toromi, sur in warkurai sur a kum utna rop nami. Ma i tasmani lena i wan ut tagisapat tan o God, ma in milet melet torom o God. 4I mo ra i katutur pas gusun a inangon, i rakon ru anun in teken namalu ra i rakup bat anun a ememar nami, ra i los pas a tawol ma i ker pasi uni. 5I lingis pas a danim una besen ra i gos a kum kikin anun a kum nat na ususer nami, ma i wus sengesenge det nama tawol ra i ker pasi uni.

6I wan torom o Saimon Pita, ra o Pita i tingi lena, “Ai, Labino, ui un gos aru kiking?” 7O Iesu i balu i lena, “A utna ri a pami ko tasmani, ikut numur un tasmani.” 8O Pita i watungi lena, “Gong! Gong u gos aru kiking.” O Iesu i balu i lena, “Ra kan gos aru kikim, ui awu sur ara tagun iau.” 9O Saimon Pita i balu i lena, “Labino, gong u gosi kut aru kiking, un gosi utkai aru lamang ma in loring!” 10#Jn 15:3; 6:64, 70-71O Iesu i watungi tano lena, “Osi ra i sa rurus pas, a pinino rop i sa talapor, din gos tar aru kikino mukut. Mot, mot sa talapor, ikut, awu sur mot rop.” 11O Iesu i sa tasman tar o naro ra in usobor tari. Iri a kibino ra i watungi lena, “Awu sur mot rop mot talapor.”

12I sa gos tar a kum kikindet, ra i ubek melet pas anun in namalu ra i rakon ru tari, i kis melet ma i ting det lena, “Mot tasmani ut a utna ri a pami un mot? 13Mot watung iau a ‘Tene Ususer’ ma a ‘Labino’. I tokodos ut anumot a wasiso, uni a risang ut ra. 14#Mt 20:28; Lk 22:27Iau anumot a Labino ma a Tene Ususer, ma a sa gos tar a kum kikimot. I wakak sur mot kai mot in ser gos etetalai a kum kikimot. 15#Pil 2:5; Kol 3:13; 1 Pit 2:21A sa pam tar a larlar ri torom mot, i wakak sur mot kai mot in pami lenri a pami. 16#Mt 10:24A inanos mot nama lingmulus, a tultul ke labo taun anun a labino. Ma osi ra di tultulu i, ke labo taun o naro ra i itula. 17Ra mot tasman a kum utna ri, ma mot pami, mot in dan.

18“Awu sur a wasiso un mot rop, a tasman det ut ra a sa pilok pas det. Ikut din pam sot pasi ut a wasiso ra di sa tumus tari una Buk Tabu lena, ‘A musano ra mir wangon tomo nami, in tupukus taru melet sur iau, ma in pas pisopiso iau.’ Sng 41:9

19 # Jn 14:29; 16:4 A inanos mugu tar mot una utna ri ra in nanpat. Ra in nanpat, mot in nurnur lena, iau a Karisito. 20#Mt 10:40A inanos mot nama lingmulus, osi ra i gas pas o naro ra a tulu i, i gas pas iau utkai. Ma osi ra i gas pas iau, i gas pasi utkai o naro ra i tulu ru iau urin.”

O Iesu i wasiso un o naro ra in usobor tari ulaman a kum ebar

(Mt 26:20-25; Mk 14:17-21; Lk 22:21-23)

21O Iesu i sa watung tari lenri, ra i taramo a labino mamaut una niono, ra i watung puaso i lena, “A inanos mot nama lingmulus, ara tagun mot in pitar tar iau ulaman a kum ebar.” 22A kum nat na ususer det tama etetalai det, ikut ka det tasmani lena osi tagun det ra i watung a wasiso ri uni. 23Ara nat na ususer i kis milau o Iesu. A nat na ususer ri, o Iesu i ser nem doko i. 24O Saimon Pita i pet ukinalong pas a nat na ususer ra, ma i watungi lena, “Un ting o Iesu lena, osi ra i watung a wasiso ri uni.” 25A nat na ususer ra, i ere torom o Iesu ra i tingi lena, “Labino, osi ra u watung a wasiso ri uni?” 26O Iesu i balu i lena, “An puk pas a du beret una dis, ma osi ra an pitari tano, i ut ra.” Ra i puk pas a du beret, ma i pitari tan o Judas Iskariot, a nutun o Saimon. 27#Jn 13:2O Judas i rakon pas a du beret gusun o Iesu, ra o Satan i ruk taru mut uni. Ra o Iesu i watungi tan o Judas lena, “A utna ra u nem na pami, un pam lakiti.” 28Ikut kataio tagun det ra det kis tomo una inangon i tasmani lena sur asau ra o Iesu i watungi lenra toromi. 29O Judas i ser tamtamabat anundet a mani. Ma iri a kibino ra a ramano kum nat na ususer det nuki lena, o Iesu i inanosi sur in kul lako utna ra det sibo suri una labino bung na lotu. A ramano kum nat na ususer kai det nuki lena o Iesu i inanosi, sur in tabor a kum sibo na taro nam tu utna. 30Ra o Judas i rakon pas a du beret, i pirso pas mut. Ma i sa mirum.

A Nutun a Musano in los a minamar

31 # Jn 12:23 Ra o Judas i sa wan taru, o Iesu i watungi tandet lena, “Uniri din mar a Nutun a Musano, ma o God kai in los a minamar uni. 32#Jn 17:5O God in los a minamar uni, ma o God in pitar a minamar torom a Nutun a Musano. Uniutra o God in pitari tano.

33 # Jn 7:33-34 “A kum paspasang, uniri kan kis suano i mo torom mot. Mot in sisio sur iau. Ikut, a wasiso ra a sa watung tari tan a kum te Juda, uniri an watungi bulung tamot lena, ‘A tamon ra an nan suri, ka mot in nan lar pas iai.’

O Iesu i pitar a matok na warkurai

34 # Jn 15:12, 17; 1 Jon 3:23; 2 Jon 1:5 “Uniri a pitar a matok na warkurai torom mot lena, mot in nem etetalai mot. Mot in nem etetalai mot elar nami ra a nem mot. 35Ra mot in nem etetalai mot, a taro rop det in tasmani lena mot anung a kum nat na ususer.”

O Iesu i wasiso mugu un o Pita ra in ipul ru i

(Mt 26:31-35; Mk 14:27-31; Lk 22:31-34)

36O Saimon Pita i tingi lena, “Labino, un nan urai?” O Iesu i balu i lena, “A tamon ra an nan suri, kon nan lar pas iai uniri, ikut numur un mur iau.” 37O Pita i tingi lena, “Labino, sur asau ra kan mur ui uniri? Ka ngara ra an mat bat ui.” 38Ra o Iesu i balu i lena, “Pepetlai, a lingmulus ut ra un mat bat iau? A inanos ui nama lingmulus, a kereke ken kurkurirakuk utmakai, ra un ipul a tulu dino lena, ko tasman iau.”

Currently Selected:

Jon 13: kqw

Highlight

Copy