Afositolo 5:3-6

Au Fita gigahena gigayo, “Ananaiyasi, gavana fa'ina Setani againe uhawahege-yo nuwaniya giluku, ada au Alu'aluwa Mahalina againe ufwaya vaita babi fatana matatabuna uda'aliyeni tu keke. Tufona tauni fa'iniya usena. Aimo babi keke udakimonevedamaneni againe, medema tauni ya babi, tu ahe ukimonevedamanena againe, babi fatana uvaina-ma kadu o uvehimeyena. Gavana fa'ina nuwahinageniya fwaya ufaisewani-yo ugahe vaita mani matatabuna udavele-'owoma? Keke kalivagaga agaimeya udafwaya, au kadu Yaubada againe ufwaya.” Tu Ananaiyasi Fita yana gahe ginogalini-yo babiya auhe'ama gibe'u be gi'alika. Au tubulakata hitowamidi, wowona hilifina digo hinauwena be hitauna. Ada gaveyao valeyana hinogalina medema himatauta-ve'ine.