Salamo 130
130
Tao amin’ny lalina no niantsoako Anao
Hira fanao amin’ny fiakarana.
1Tao amin’ny lalina no niantsoako Anao, TOMPO ô,
2Tompo ô, henoy ny feoko;
aoka ny sofinao hihaino tsara ny feon’ny fifonako.
3Raha mitahiry heloka Ianao, TOMPO ô,
iza no hahajanona, Tompo ô?
4Fa ao Aminao no misy ny famelan-keloka
mba hatahorana Anao.
5Niandry NY TOMPO aho; eny, niandry Azy ny fanahiko
ary ny teniny no nanantenako.
6Ny fanahiko dia miandry ny Tompo
mihoatra noho ny fiandrin’ny mpiambina ny maraina,
dia ny fiandrin’ny mpiambina ny maraina.
7Manantenà NY TOMPO, ry Israely,
fa ao amin’NY TOMPO no misy ny famindrampo
sy ny fanavotana be.
8Izy no hanavotra ny Israely
ho afaka amin’ny helony rehetra.
Currently Selected:
Salamo 130: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011
