Salamo 100
100
Olony isika
Salamo ho fiderana.
1Mihobia ho an’NY TOMPO,
ry tany rehetra!
2Manompoa NY TOMPO amin’ny fifaliana;
mankanesa eo anatrehany amin’ny fihobiana!
3Aoka ho fantatrareo fa NY TOMPO no Andriamanitra:
Izy no nanao antsika ary Azy isika,
dia olony sy ondry andrasany.
4Midira eo amin’ny vavahadiny amin’ny fisaorana
ary eo an-kianjany amin’ny fiderana!
Miderà Azy, misaora ny anarany!
5Fa tsara NY TOMPO; mandrakizay ny famindrampony
ary mihatra amin’ny taranaka fara aman-dimby ny fahamarinany.
Currently Selected:
Salamo 100: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011
