Nahoma 1
1
1Faminaniana ny amin’ny loza hanjo an’i Ninive, dia ny bokin’ny fahitan’i Nahoma elkosita.
NY TOMPO, Andriamanitra mahatahotra no sady tsara
alef א
2Andriamanitra saro-piaro sy mamaly heloka NY TOMPO;
NY TOMPO dia mpamaly heloka sady feno fahatezerana;
NY TOMPO dia mpamaly ny rafilahiny
ary mitahiry fahatezerana hamelezany ny fahavalony.
3Mahari-po NY TOMPO
sady be hery
ary tsy mety manamarina ny meloka.
bet ב
Ao anatin’ny tadio sy ny tafio-drivotra no lalan’NY TOMPO;
ny rahona dia vovoka avy amin’ny dian-tongony.
gimel ג
4Miteny mafy ny ranomasina Izy ka mahatankina azy
sady mandritra ny ony rehetra;
malazo i Basana sy i Karmela
ary malazo koa ny vonin’i Libanona.
he ה
5Mihovotrovotra eo anatrehany ny tendrombohitra
sady mihotsaka ny havoana;
vav ו
mihorohoro eo anatrehany koa ny tany,
dia ny tany onenana sy ny mponina rehetra ao aminy.
zaìn ז
6Iza no mahajoro eo anoloan’ny fahavinirany?
Ary iza no mahatanty ny firehitry ny fahatezerany?
het ח
Aidina toy ny afo ny fahatezerany
ary mirodana eo anoloany ny vatolampy.
tet ט
7Tsara NY TOMPO,
fialofana amin’ny andro fahoriana;
iod י
mahalala izay mialoka aminy Izy.
8Fa amin’ny riaka manafotra
no anatanterahany fandringanana amin’io toerana io,
kaf כ
ary ny fahavalony dia henjehiny ho any amin’ny maizina.
Hafatra ho an’i Joda sy ho an’i Ninive
9Inona no heverinareo hoenti-manohitra NY TOMPO?
Fandringanana no hataony,
tsy hiverina fanindroany ny fahoriana.
10Fa na dia toy ny tsilo mifamatopatotra aza ireny
sady mamon’ny zava-pisotrony
dia ho levona tanteraka toy ny mololo maina izy.
11Avy tao aminao no nivoahan’ny iray
izay misain-dratsy hoenti-manohitra NY TOMPO
sady mamoron-kevi-dratsy.
12Izao no lazain’NY TOMPO:
Na dia tsy latsaka isa fa mbola maro aza ireny
dia hofongorana ihany izy ka tsy hisy intsony.
Efa nampahory anao Aho
ka tsy hampahory anao intsony.
13Fa ankehitriny, hopotehiko ny ziogany ho afaka aminao
ary hotapahiko ny famatorana anao.
14Ary NY TOMPO efa nandidy ny aminao hoe:
Tsy hisy intsony taranaka hamelo-maso ny anaranao;
halaiko tsy ho ao amin’ny tranon’ny andriamanitrao
ny sarin-javatra voasokitra sy ny sarin-javatra voarendrika;
hanao fasana ho anao Aho
satria hita fa latsa-danja ianao.
Currently Selected:
Nahoma 1: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011
