Josoa INDRAY MIJERY
INDRAY MIJERY
Ny votoatin’ny Boky
Ny Bokin’i Josoa dia maneho ny nakan’ny Israely ny tany Kanana, koa tamin’izany dia Andriamanitra no niady niaraka tamin’ny olony ka nampiseho ny heriny toy ny tamin’ny nivoahana tany Ejipta. Ambaran’ny Boky koa ny fizarana ny tany ho an’ireo fokon’ny Israely mba hananany ny anjarany avy, koa ao amin’izany zarataniny izany izy no hiaina amin’ny fitahiana sy ny fiadanana. Ny fitoeran’ny Zanak’Israely eo anivon’ny firenena jentilisa, izay tsy mbola resy tosika tanteraka anefa, dia tsy maintsy ho fakam-panahy be ho azy. Noho izany i Josoa dia mitaky fanapahan-kevitra avy aminy mba hanavaozany ny fanekena hanompo NY TOMPO irery ihany. Izany fanavaozana ny fanekena izany no mamarana ny Boky.
Ny firafitry ny Boky
Fitarihanteny: I Josoa, mpandimby an’i Mosesy: 1
Ny fitàna ny ony Jordana sy ny fandraisan’ny Israely ny tany Kanana: 2–12
Ny fizarana ny tany amin’ny foko roa amby folo: 13–21
Ny fiafaran’ny fiainan’i Josoa: Ny alitara naorin’ny Robenita, ny hafatrafatra nataon’i Josoa ary ny fanekena tao Sekema: 22–24
Currently Selected:
Josoa INDRAY MIJERY: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011