1Tesaloniana INDRAY MIJERY
INDRAY MIJERY
Ny epistily ho an’ny Tesaloniana no epistily nosoratan’i Paoly voalohany indrindra sady voasoratra voalohany indrindra tamin’ireo bokin’ny Testamenta Vaovao koa.
Renivohitr’i Makedonia, faritany romana izay notetezin’i Paoly niaraka tamin’i Silasy sy i Timoty i Tesalonika. Tsy afaka nijanona ela tao ry Paoly noho ny fanenjehana nafitsoky ny Jiosy (Asa 17.1-9), kanefa tafaorina tao ihany ny fiangonana.
Fiangonana tanora nahabe fanahiana ilay rainy am-panahy izao anoratana izao. Nirahin’i Paoly hamangy tany koa i Timoty mba hampahery ny Kristiana ka vaovao mahafaly momba ny finoan’ny olona tao amin’ny fiangonana tao Tesalonika no noentiny niverina tany amin’i Paoly izay tany Korinto:
Naharitra tamin’ny finoana izy ireo ka nahafaly an’i Paoly indrindra izany.
Tany Korinto (Asa 18.1-5) no nanoratan’i Paoly ny Epistily, tamin’ny andron’i Galio governora tao Akaia (Asa 18.12).
Ny votoatin’ny Epistily
Misaotra an’Andriamanitra i Paoly noho ny vokatra tsara avy tamin’ny fitoriana ny Filazantsara tamin’ny Tesaloniana. Mampahery azy tokoa izany. Mampirisika azy ireo izy mba haharitra amin’izany sady handroso lalina kokoa hatrany amin’ny fiainana kristiana.
Taratasin-draiamandreny ho an’ny zanaka am-panahy ity. Manan-toerana lehibe ato ny fampianarana ny amin’ny fiavian’ny Tompo, izay nihazona ny sain’ny Kristiana voalohany. Koa satria ho tonga tampoka izany fotoana izany dia tokony hiomana amin’ny fitondrantena mendrika ny mpivavaka.
Ny firafitry ny Epistily
Fiarahabana apostolika: 1.1
Fisaorana an’Andriamanitra noho ny finoan’ny Tesaloniana sy fampaherezana azy ireo: 1.2–3.13
Fitondrantena eo am-piandrasana ny fiavian’ny Tompo: 4.1–5.11
Hafatra sy fanaovam-beloma: 5.12-28
Currently Selected:
1Tesaloniana INDRAY MIJERY: MRV
Highlight
Share
Copy
Want to have your highlights saved across all your devices? Sign up or sign in
© La Société Biblique Malgache 2011