Kañaam 46
46
Yawe Nawat Kabuka awo na nja
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki babuk Kore. Kayeeh ki pdiim pi baaţ.
2Naşibaţi awo katoh kaweek ki ŋniw ŋankëmuŋ ki ŋmeniiŋ,
aji ţënk nja wal undoli wi ŋhajaliiŋ.
3Ukaaŋ kë ŋënji ŋlënk woli mboş manşinţar ;
woli inkuŋ inaay du idëk pŧoof,
4woli meel mando pŋaat pweek,
afat ado kë inkuŋ ikşinţar alut.
Pnaţ ntiinku
5Kë bdëk başë wo,
itant yi ba ijaaŋ ido ubeeka wi Naşibaţi uwo ţi mnlilan,
dko danyimanaanuŋ ţi ŋfëţ ŋi Andëmuŋ Maakan.
6Naşibaţi awo ţi pŧoof pi wa : uunhil pşintar ;
Aji mëf pţënk wa.
7Ŋŧaak ŋaşinţari, pşih payewlaa.
Ado pdiim kë mboş manwulamëşaa.
8 Yawe Nawat Kabuka Anhiniiŋ Maakan awo na nja ;
Naşibaţi i Yakob awo katoh ki ŋniw ŋankëmuŋ ki ŋmeniiŋ.
Pnaţ ntiinku
9Nabiin naten iko iweek maakan yi Nawat Kabuka adoluŋ !
Natenan jibi aŧokuŋ mboş !
10Aji do ŋgut kaţañan te du kabaŋ ki umundu ;
aji kit kaşuuri kafom bjan ;
aji tër ŋkaaru ŋi ŋmpëlënŧ ŋakpuluŋ#46.10 ŋkaaru ŋi ŋmpëlënŧ ŋakpuluŋ Baloŋ bapiiŧ : a ŋbeel .
11Aji : « Naţañaan, nameen kë nji dwooŋ Naşibaţi !
Dşihuŋ ŋŧaak, dşihuŋ mboş. »
12Nawat Kabuka Anhiniiŋ Maakan awo na nja ;
Naşibaţi i Yakob awo katoh ki ŋniw ŋankëmuŋ ki ŋmeniiŋ.
Pnaţ ntiinku
Currently Selected:
Kañaam 46: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
