Kañaam 41
41
Pñehan pi ñaaŋ ammaakuŋ kë başooradul bakdo na a
1Kayeeh ki pñaamarën Naşibaţi ki kapënna ţi ulibra wi najukan iyeeh. Kayeeh ki Dayiţ.
2Ñaaŋ anjaaŋ aşal bajuuk anuurandëni !
Yawe Nawat Kabuka aji buurana wal wi awooŋ ţi mnhaj.
3Nawat Kabuka aji beela aji yeŋana ubida
kawula bnuura bi nul ţi mboş.
Aanji wuta ţi iñen yi başooradul.
4Nawat Kabuka aji ţënka wi amaakuŋ apiinţ ţi kalişa ki nul ;
aji wugşa kaboman kalişa ki nul.
5Nji dji kaji : Iwi Nawat Kabuka ñagi'aan !
Jebanaan, djubanu !
6Başoorad naan baji baţup buţaan ţi nji,
kaji : « Lum di di abaaŋ akeţ ba ? Lum di di katimul kakneemuŋ ba ? »
7Ñaaŋ abile pwinën uji uwo pyaana kaţilan ;
aji wo ţi pla iko iwuţaan yi pkakalëş ;
aji pën kaşë kaţiini buţaan du bdig.
8Bañaaŋ banşoornuŋ bŧi baji bahoopaţër ţi uko wi naan ;
baji bayoonk yoonk pwuţan pi naan.
9Baji baji : « Pmaak pwuţaan paneej ţi a !
Awuŋ apiinţ, aanknaţa ţi pa ! »
10Nanoh naan i ndooŋ ahaţ,
anjaaŋ abi kade na nji anaţari'aan.
11Kë iwi Nawat Kabuka, ñagi'aan, naţanaan,
nhilna lukan baka !
12Hënk di di nji kameeŋ kë iŋalën :
naşoorad naan aankak ahuuran kaji awatën.
13Nji nwooŋ naŧool, iţënkën, akakanaan uleef,
adolën kë nwo ţi kadunu te mnţo.
14Iwi Yawe Nawat Kabuka Naşibaţi i Iŧrayel, bañaaŋ badëmanu du ujuni te mnţo.
Uwo haŋ, uwo haŋ !
Currently Selected:
Kañaam 41: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
