Kañaam 4
4
Nahaţan ţi Naşibaţi
1Kayeeh ki pñaamarën Naşibaţi ki kapënna ţi ulibra wi najukan uyeeh. Kaji kayeehna na bko banwooŋ na ital. Kayeeh ki Dayiţ.
2Iwi Naşibaţi nawayëş naŧool, jaan kŧiinkën woli dhuuran adu'u !
Woli dwo ţi unoor, ijaaŋ kbuuranaan.
Ţënkaan ţënk, jaan kŧiinkën woli dñehanu !
3An babuk biinţ, nado kabeeh mndëm mi naan te lum ba ?
Nado kaţaş iko iwaaŋ udooni te lum ba ?
Nado kala ŋţilan te lum ba ?
Pnaţ ntiinku
4Nameen kë Yawe Nawat Kabuka aji dat ñaaŋ anjaaŋ aŧiinka ;
woli ddu'a, aji ŧiinkën.
5Woli nadoo deebaţ, nawutan kajuban ;
naţiiniin ţi uhaaş wi nan meeţ,
wi nawooŋ du kalişa na uŧejan, naşë nayomp.
Pnaţ ntiinku
6Nadolan iţeŋan jibi bgah bajakuŋ ;
naţuun mnhaţ mi nan bŧi ţi Nawat Kabuka.
7Baŧum baji baji : « In akluŋ kado nja ŋwin bnuura ? »
Iwi Nawat Kabuka, dolan bjeehi bi kaara di nu bawinana ţi un.
8Iji kţu ţi uhaaş wi naan mnlilan ;
iwulën mnlilan mampeluŋ mi bajaaŋ bawoonaan wal wi bakaaŋ ŋdeey na poot akëşan.
9Woli dpiinţa piinţ, dji kaŋoyënţ bnuura ;
iwi Yawe Nawat Kabuka ţañ ijaaŋ kyeŋën bnuura.
Currently Selected:
Kañaam 4: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
