Kañaam 137
137
Du kakab idëk yi Babilon
Kayeeh ki biki bamobuŋ du Babilon
1Du kakab idëk yi Babilon di di ŋţooŋ awooni,
wal wi ŋleşuŋ Ŧiyoŋ.
2Ŋyoont ikoora yi nun
ţuŋ mnko manwooŋ da.
3Ţuŋ di di bambiiŋ amob nja ayaanaan bajakuŋ na un,
ŋyeehar baka,
ţuŋ di di bankhajanuŋ un baŋaluŋ ŋyeehar baka iyeeh yi mnlilan.
Bajakun aji : « Nayeeharun kayeeh kaloŋ ki Ŧiyoŋ ! »
4We ? Hum di di ŋhiluŋ kayeeh kayeeh ki Yawe Nawat Kabuka du uŧaak umpaţi ?
5Iwi Yeruŧalem, woli dţilmi'u
kañen naan kadeenu kayoj !
6Iwi Yeruŧalem, woli mënleşu
woli mënţu mnlilan mi naan bŧi ţi iwi,
pndemënt naan pajab ţi bdaah daahan naan.
7Iwi Nawat Kabuka leşan uko wi biki uŧaak wi Edom badoluŋ,
ţi unuur wi başooradun bawatuŋ Yeruŧalem,
bahuuran aji : « Naŧokan ubeeka !
Nawatan itoh bŧi ! »
8Kë iwi ubeeka wi Babilon, iluŋ kaŧoka !
Ankluŋ kakakanu buţaan bi idoluŋ un,
anuurandëni !
9Ankluŋ kajej bapoţ biki nu kabaj ţi mnlaak,
anuurandëni !
Currently Selected:
Kañaam 137: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
