Yonaŧ 3
3
Yonaŧ aya Niniwe
1 Yawe Nawat Kabuka akak aţiini na Yonaŧ uyaaş utëbanţën aji na a : 2« Naţiin iya Niniwe ubeeka uweek, iţup bañaaŋ banfëţuŋ da uko wi nji kaţupiiŋ. »
3Kë Yonaŧ anaţa ţi byaaş bi aya Niniwe jibi Nawat Kabuka ajakuluŋ. Nameen kë Niniwe dawo wal mënţ ubeeka uweek maakan : ñaaŋ aji do ŋnuur ŋwajanţ pa pñaay wa kaba. 4Yonaŧ ajunna ado unuur upëb apoş na ubeeka aşë ţup bañaaŋ aji : « Naŧiinkan, uduka ŋnuur iñeen ŋbaakër Niniwe daşë daŧoka. »
5Bañaaŋ biki Niniwe bafiyaar uko wi Nawat Kabuka ajakuŋ aşë yiman bukal bŧi, awohara ŋşaaku#3.5 pwohara ŋşaaku paji padiiman kë ñaaŋ adug umeli awo ţi mnţëg du baweek te du anwoonuŋ nampoţi ţi baka. 6Wi naşih i Niniwe aŧiinkuŋ uko unţëpuŋ, anaţa ţi pţij pi pşih, apënan ulankoŋ wi pşih, awohara uşaaku aşë ţo ţi ufob#3.6 pţo ţi ufob paji padiiman kak kë ñaaŋ adug umeli awo ţi mnţëg. 7Ado kë bahuuran ţi Niniwe aji : « Naşih na banjañanul baneenan bañaaŋ, na ŋnŧaam ŋweek na ŋmpoţi pde, pfeer na pdaan. 8Bañaaŋ na ŋnŧaam bawo kagurada ŋşaaku ; andoli awo kañehan Naşibaţi maakan, kakuţ kawut buţaan na iko inwooŋ iinwo iŧool yi akdoluŋ. 9Hënk, ulome Naşibaţi aguban pkob nja, awut udeeb uweek wi adeebaţëruŋ nja, ŋwo ŋënkkeţ. »
10Wi Naşibaţi awinuŋ iko yi badoluŋ na jibi bakdoonaanuŋ pa pwut buţaan, aguban pdo uko wi ajakuŋ, aanŧok ubeeka wi baka. Aando uko mënţ.
Currently Selected:
Yonaŧ 3: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal