Yonaŧ 2
2
Pñehan pi Yonaŧ añehanuŋ Naşibaţi
1Kë Yawe Nawat Kabuka aşë yil uţëb uweek kë ubi ayoor Yonaŧ, ado ŋnuur ŋwajanţ na ŋŧejan ŋwajanţ du kayiŋ ki wa.#2.1 Natenan ţi Maci 12.40. Baloŋ baţu uko wi bapiiŧuŋ ţi, ţi 1.17 2Du kayiŋ ki uţëb, Yonaŧ añehan Nawat Kabuka Naşibaţi i ajaaŋ adëman 3aji :
« Iwi Yawe Nawat Kabuka,
dhuuran adu'u wal wi nwooŋ ţi unoor wi naan
kë iŧeemën ;
du mnkeţ mi nwooŋ ddu'u iţënkën
kë iŧiinkën.
4Ifëlën du bdëk,
du dko di badiilnuŋ,
meel kë manfooyën ;
ido kë ŋmaaroŋ bŧi ŋakkobën.
5Kë nji nşë şal aji : Iwi Nawat Kabuka,
nji wi, adookana alow këş ki nu !
Kë nşë luŋ kawin katoh kaweek kayimanaan ki nu.
6Meel mambanën te ţi kaţuţ,
bdëk bawunën,
kë ugof ufooyën bkow.
7Dwala te du dko di bdëk badiilnuŋ ;
awo wo ji ñaaŋ anwooŋ ţi inkuŋ uţeeh,
dul di di ilëman yi mnkeţ iniiganuŋ ţi kafeţ ki naan te mndani.
Kë iwi, Nawat Kabuka Naşibaţi i njaaŋ kadëman,
işë pënanaan najeb du bhër bweek.
8Iwi Yawe Nawat Kabuka dleşu,
wal wi nji kayaaŋ pkeţ,
kë pñehan pi naan paban te du iwi,
du dko dyimanaan di ifëţuŋ.
9Banknţaşuŋ iko inaaf inwooŋ iinwo Naşibaţi,
baanji balowan lowan ŋleef ŋi baka bnuura bi nu i#2.9 baanji balowan lowan ŋleef ŋi baka bnuura bi nu i : baloŋ baji : dñehan bawut pdëman ŋnŧoŋ ?
10Kë nji nşë luŋ kadolu iţeŋan
kabeebu pa bnuura bi idolnuŋ,
dluŋ kado iko yi nji nhoŋuŋ.
Mënţ iwi Nawat Kabuka ijaaŋ kbuuran bañaaŋ i ? »
11Kë Yawe Nawat Kabuka aşë ţiini na uţëb, kë ugaŧ Yonaŧ du pkay.
Currently Selected:
Yonaŧ 2: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
