Ppën 17
17
Meel mampënuŋ ţi plaak du Refidim
1Bañaaŋ biki Iŧrayel bŧi bapën du pndiiş du Ŧin, baji baya, kanaţ jibi Yawe Nawat Kabuka ajakuŋ na baka. Baya anaţ atan iloona yi baka du Refidim. Kë meel mndaan manşë wo maanwo da pa bañaaŋ. 2Bajun pŋoman na Moyiŧ aji na a : « Wulun meel ŋdaan. »
Kë Moyiŧ aŧeem baka aji : « Wel ukaaŋ kë nakŋoman na nji ba ? Wel ukaaŋ kë naŋal pţu Nawat Kabuka pdo uko ba ? »
3Udaan uţij bañaaŋ kë başë wo ţi pŋur ŋuran ţi uko wi Moyiŧ aji : « Wel ukaaŋ kë idolun kë ŋpën du Ejiptu ba ? Ipënanun pënan pa ŋbi ŋkeţ udaan, un na babukun na ŋnŧaam ŋi nun i ? »
4Moyiŧ akooţ Nawat Kabuka aji : « Wel wi nji kadoluŋ bañaaŋ biki ? Uduka ntiinku başë batapën mnlaak bafiŋ. »
5Nawat Kabuka aŧeema aji : « Yaan ţi kadun ki bañaaŋ, iwi na bantohi baloŋ biki Iŧrayel. Jejan pmul pi nu ţi kañen, pi ibiiŋ akob ţi bdëk, işë iya. 6Nji dwo ţi kadunu, ţi plaak pweek ploŋ pi pnkuŋ pi Horeb, ikob plaak meel manşë mampën, bañaaŋ badaan. » Kë hënk di di Moyiŧ adoluŋ ţi kadun ki bantohi biki Iŧrayel. 7Adu dko mënţ aji Maŧa na Meriba#17.7 Maŧa na Meriba : Maŧa dawooŋ pţu ñaaŋ pdo uko, kë Meriba dawo pŋom., ţiki bañaaŋ biki Iŧrayel bala'a pŋom abot ado na pţu Nawat Kabuka ado uko wi bajakuŋ, wi bajakuŋ aji : « Nawat Kabuka awoha na manjoonan ţi pŧoof pi nja i ? »
Ugut na bamalekit
8Bamalekit babi aneej ugut na biki Iŧrayel du Refidim. 9Kë Moyiŧ aşë ji na Yoŧuwe : « Datan biinţ, ipën faan iya igutan na bamalekit ; nji dwo du pnkuŋ duuţ kawo na pmul pi Naşibaţi ţi kañen. » 10Yoŧuwe ado jibi Moyiŧ ajakuluŋ aya agutan na bamalekit, kë Moyiŧ na Aaron na Hur bapaya du pnkuŋ duuţ. 11Moyiŧ aji wonţi adeeŋ iñen biki Iŧrayel bajaaŋ bayoh bamalekit, aşanţe wat ya bamalekit kayoh. 12Wi iñen yi Moyiŧ ibiiŋ abeew, Aaron na Hur bajej plaak ploŋ adola kë aţoo. Bamëbana iñen, andoli kañen. Hënk di iñen yi nul itariiŋ te utaakal. 13Yoŧuwe akob bamalekit na kej.
14Kë Nawat Kabuka aşë ji na Moyiŧ : « Piiŧan uko unţëpuŋ ţi ulibra kaleşna wa, işë iji na Yoŧuwe dkob bamalekit kafiŋ, baba te nin aloŋ aankak aleş baka ţi mboş. » 15Kë Moyiŧ aşë niw bliit bi mngur da aţu ba katim ki Yawe-Niŧi, Nawat Kabuka awo ubaneel wi naan 16aji : « Wi bamalekit bañoomuŋ aneej ugut na pşih pi Nawat Kabuka, aankţañan ugut na baka. »
Currently Selected:
Ppën 17: knf
Highlight
Share
Copy
Want to have your highlights saved across all your devices? Sign up or sign in
© 2014, Wycliffe Bible Translators, Inc. in cooperation with Le Groupe CIM-TBM, Senegal
