Rwĩmbo rwa Solomoni 6
6
Andũ a nja
1We nyarari ĩno, kaĩ mwendwa waku agĩthiĩte kũ?
Agerire njĩra ĩrĩkũ nĩguo tũgũteithie kũmũcaria?
Mũndũ wa nja
2Mwendwa wakwa nĩathiĩte mũgũnda gwake,
kũrĩa akũragia indo nungi wega.
Nĩkũrĩithia ararĩithia kuo agĩtuaga itooka.
3Mwendwa wakwa nĩ wakwa ki, na niĩ ndĩ wake;
nĩkũrĩithia ararĩithia itookainĩ.
Irebeta rĩa gataano
Mũndũ mũrũme
4Atĩrĩĩrĩ, mwendwa wakwa, ũthakarĩĩte o ta itũũra rĩa Jerusalemu,
ningĩ ũkaagĩrĩra o ta itũũra rĩa Tiriza,
ũgakĩgĩa itua nda o ta matũũra maya manene.
5Tiga kũndora, nĩũranguucĩrĩria mũno.
Ũracimbicia njuĩrĩ yaku o ta rũũru rwa mbũri
rũgĩcimbica ruumĩĩte irĩmainĩ cia Gileadi.
6Magego maaku merũhĩĩte o ta rũũru rwa ng'ondu rwathambio o ro ũguo.
Hatirĩ o na rĩmwe rĩmunye;
moothe maiyũire kanua.
7Makai maaku marakenga wega makĩonekera gĩtambayainĩ kĩu wĩhumbĩire nakĩo mũtwe.
8Mũthamaki e na ngatha mĩrongo ĩtandatũ
na atumia a kũigwo mĩrongo ĩnaana
o na airĩĩtu matangĩtarĩka!
9No rĩĩrĩ, no ũmwe nyendeete.
Ũcio nĩwe ngatha yakwa.
Nyina ndarĩ mũirĩĩtu ũngĩ,
na no ko kaana karĩa nyina eendeete.
Andũ a nja mamuona, no kũmũgaathĩrĩria mamũgaathĩrĩria.
Naake kwini na atumia a kũigwo a mũthamaki no kũmuugĩra maamuugagĩra ngemi.
10Mwarĩ ũyũ nĩ ũrĩkũ ũthakarĩĩte ta ruoro rũgĩtema?
Nĩ mũthaka na nĩarakenga;
arametameta o ta riũa kana ta mweri.
11Ndaikũrũkire mũgũnda wa mĩroothi,
ngarore tũmĩtĩ tũrĩa tũmereete kũu kĩandainĩ,
ngoone kana mĩthabibũ nĩthundũrĩĩte,
na kana mĩkongomanga nĩ mĩrutu kĩro.
12Nĩndĩrainaina, ũtũmĩĩte nyootere wendo
o ta ũrĩa ndereba wa ngaari ya mbarathi ya ita anyootagĩra mbaara.
Andũ a nja
13Kĩrũũgarũũge ũkĩinaga;
kĩrũũgarũũge ũkĩinaga, wee mwarĩ wa Shulamu;
kĩrũũgarũũge ũkĩinaga tũkwĩroreire.
Mũndũ wa nja
Mũgũkĩenda nyine mwĩĩndoreire mũrĩ gĩcĩgĩ nĩkĩ?
Currently Selected:
Rwĩmbo rwa Solomoni 6: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
