Malaki 4
4
Mũthenya wa MWATHANI nĩũrooka
1MWATHANI Mwene Hinya Wothe ekuuga atĩrĩ, “Mũthenya nĩũrooka rĩrĩa andũ arĩa etĩĩi na aaganu marĩcinwo ta mahuti. Naguo mũthenya ũcio wakinya, marĩcinwo mathire biũ na hatirĩ kĩndũ kĩrĩoererwo. 2No rĩĩrĩ, inyuĩ mũnjathĩkagĩra nĩmũrĩarĩrwo nĩ hinya wakwa wa kũhonokania o ta riũa, ũmũreehere ũhoro wa kũhonania ta mĩrũri ya rĩũa. Na inyuĩ muumagare mũthiĩ mũgĩtũũhaga ta tũcaũ tũhingũrĩirwo kiugũ. 3Na atĩrĩĩrĩ, mũthenya ũrĩa ngeeribariba, nĩmũkaahoota arĩa aaganu, nao makaahaana ta rũkũngũ rũrĩ rungu rwa makinya maanyu.
4“Takĩririkaneei kĩrĩra kĩa Musa ndungata yakwa, nakĩo nĩ mawatho na maathani marĩa ndamũhereire kĩrĩmainĩ gĩa Sinai nĩ geetha Aisiraeli oothe mamaathĩkagĩre.
5 #
Mat 11.14; 17.10-13; Mar 9.11-13; Luk 1.17; Joh 1.21 “No rĩĩrĩ, mũthenya ũcio mũnene na mũrũrũ wa MWATHANI ũtanakinya, nĩndĩrĩmũrekeria mũnabii Elija. 6Naake nĩarĩtũma aciari na ciana macooke kũiguana, nĩ geetha ndikaae gũũka kwananga bũrũri wanyu.”
Currently Selected:
Malaki 4: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
