Joshua 12
12
Athamaki arĩa maahootirwo nĩ Musa
1 #
Nda 21.21-35; Gũco 2.26–3.11 Na rĩĩrĩ, mbere ya andũ a Isiraeli kũringa rũũĩ rwa Jorodani, nĩmaakoreetwo mahooteete, na makegwatĩra bũrũri ũrĩa ũrĩ mwena wa irathĩro wa rũũĩ rwa Jorodani, kuuma gĩtuambainĩ kĩa Arinoni, kwambata ũguo ũtwaranĩĩte na gĩtuamba kĩa Jorodani, o nginya kĩrĩma kĩa Herimoni mwena wa na rũgongo. Nĩmaahootire athamaki eerĩ. 2Ũmwe wa athamaki acio aarĩ Sihoni mũthamaki wa Aamori ũrĩa wathamakaga arĩ Heshiboni. Ũthamaki wake wahĩmbĩirie nuthu ĩmwe ya bũrũri wa Gileadi: kuuma itũũra rĩa Aroeri (rĩrĩa rĩarĩ ndeereinĩ cia gĩtuamba kĩa Arinoni), o na kuuma itũũra rĩrĩa rĩĩrĩ#12.2 Itũũra rĩrĩa rĩĩrĩ: Maandĩko ma Kĩhibirania matirĩ ciugo ici. Rora Jos 13.16; Gũco 2.36. gatagatĩ ga gĩtuamba kĩu, o nginya rũũĩ rwa Jaboku, mũhakainĩ wa bũrũri wa Aamoni. 3O na nĩwahĩmbĩirie gĩtuamba kĩa Jorodani kuuma iriainĩ rĩa Galili, mwena wa na kĩanda, o nginya Bethi Jeshimothu (mwena wa na irathĩro wa iria rĩa Cumbĩ), ũgathiĩ ũguo, o nginya magũrũinĩ ma kĩrĩma kĩa Pisiga.
4Ningĩ Aisiraeli nĩmaahooteete Ogu mũthamaki wa Bashani ũrĩa warĩ matigari ma Arefai. Aathamakaga arĩ Ashitorathu na Edirei. 5Bũrũri wake wahĩmbĩirie kĩrĩma kĩa Herimoni, Saleka, na Bashani guothe o nginya mũhakainĩ wa Geshuri na Maaka. O na ningĩ nĩwahĩmbĩirie nuthu ĩmwe ya bũrũri wa Gileadi o nginya mũhakainĩ wa bũrũri wa Sihoni mũthamaki wa Heshiboni.
6 #
Nda 32.33; Gũco 3.12 Athamaki acio eerĩ maahootirwo nĩ Musa, ndungata ya MWATHANI, e hamwe na andũ a Isiraeli. Naake Musa akĩhe mũhĩrĩga wa Reubeni, Gadi, na nuthu ya mũhĩrĩga wa Manase, mabũrũri ma athamaki acio matuĩke ũgai wao.
Athamaki arĩa maahootirwo nĩ Joshua
7Naake Joshua na andũ a Isiraeli makĩhoota athamaki oothe arĩa maarĩ bũrũriinĩ ũrĩa ũrĩ mwena wa na ithũĩro wa Jorodani, kwambĩrĩria Baaligadi, gĩtuambainĩ kĩa Lebanoni, o nginya kĩrĩmainĩ kĩa Halaku, mwena wa na kĩanda hakuhĩ na bũrũri wa Edomu. Naake Joshua akĩgayania bũrũri ũcio, akĩũhe mĩhĩrĩga ya Aisiraeli ũtuĩke ũgai wao.
8Bũrũri ũcio wahĩmbĩirie bũrũri ũrĩa wĩ irĩma, ituamba iria irĩ mwena wa ithũĩro, gĩtuamba kĩa Jorodani hamwe na iharũrũka ciakĩo, ituamba cia mwena wa irathĩro, o hamwe na bũrũri mũũmũ ũrĩa ũrĩ mwena wa na kĩanda. Atũũri a tene a bũrũri ũcio maarĩ Ahiti, Aamori, Akanaani, Aperizi, Ahivi, na Ajebusi. 9Andũ a Isiraeli maahootire athamaki a matũũra maya: Jeriko, Ai (itũũra rĩĩrĩ rĩarĩ hakuhĩ na Betheli), 10Jerusalemu, Heburoni, 11Jaramuthu, Lakishi, 12Egiloni, Gezeri, 13Debiri, Gederi, 14Horoma, Aradi, 15Libina, Adulamu, 16Makeda, Betheli, 17Tapua, Heferi, 18Afeku, Lasharoni, 19Madoni, Hazoru, 20Shimuroni Meroni, Akishafu, 21Taanaka, Megido, 22Kedeshi, Jokineamu (itũũra rĩĩrĩ rĩ bũrũriinĩ wa Karimeli), 23Dori (itũũra rĩĩrĩ rĩ hũgũrũrũinĩ cia iria rĩa Mediteraneani), Goimu (itũũra rĩĩrĩ rĩ bũrũriinĩ wa Galili#12.23 Galili: Maandĩko ma Kĩhibirania moigaga Galigali handũ ha Galili.), 24na Tiriza. Oothe maarĩ athamaki mĩrongo ĩtatũ na ũmwe.
Currently Selected:
Joshua 12: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
