Jona 3
3
Jona gwathĩkĩra MWATHANI
1Na rĩĩrĩ, MWATHANI nĩarĩirie Jona hingo ya keerĩ akĩmwĩra atĩrĩ, 2“Ũkĩra ũthiĩ Nineve, itũũra rĩrĩa inene, ũkarĩkinyĩrie ũhoro ũrĩa ngũkwĩra.” 3Jona agĩgĩathĩkĩra MWATHANI agĩthiĩ Nineve; itũũra rĩu rĩarĩ inene ũguo atĩ mũndũ angĩarĩtuĩkanirie na thikũ ithatũ. 4#Mat 12.41; Luk 11.32 Thuutha wa rũgendo rwa mũthenya mũgima atuĩkanĩirie itũũrainĩ rĩu, Jona akĩambĩrĩria kwanĩrĩra akiuga atĩrĩ, “No mĩthenya mĩrongo ĩna ĩtigaire Nineve ĩharaganio!”
Andũ a Nineve kwĩrira
5Andũ a Nineve nĩmeetĩkirie ndũmĩrĩri ya Ngai. Magĩcooka makĩanĩrĩra atĩ kũgĩe na ihinda rĩa kwĩima irio. Magĩĩkĩra nguo cia makũnia, mũniini na mũnene, nĩguo moonie Ngai ũrĩa maahereete meehia maao.
6Rĩrĩa mũthamaki wa Nineve aiguire ũhoro ũcio, no gũũkĩrĩria ookĩrĩirie gĩtĩ gĩake kĩa ũthamaki, akĩaũra nguo ciake cia ũthamaki, agĩĩkĩra nguo ya ikũnia agĩikara thĩ mũhuinĩ. 7Agĩcooka akĩruta watho kũrĩ andũ oothe a Nineve ta ũũ: “Rĩĩrĩ nĩrĩo itua rĩa mũthamaki na njaama ciake: Mũndũ o wothe ndakaarĩe kana anyue. Mahiũ o namo matikaaheeo kĩndũ gĩa kũrĩa kana gĩa kũnyua. 8Andũ na mahiũ nĩmehumbe nguo cia makũnia. O mũndũ nĩahooe Ngai na kĩyo na atige mĩtugo ya waganu na ciĩko ciake iria njũru. 9Hiihi Ngai ahota kwĩricũkwo atige kũraakara na aage gũtũniina.”
10Ngai agĩkĩona atĩ nĩmeerirĩĩte na makarũnga mĩtugo yao mĩũru. Nĩ ũndũ ũcio akĩĩricũkwo na akĩaga kũmaherithia ta ũrĩa oigĩĩte nĩekũmeeka.
Currently Selected:
Jona 3: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
