Isaia 11
11
Mũthamaki wa thaayũ
1 #
Kũg 5.5; 22.16 Atĩrĩĩrĩ, mũthamaki mwerũ nĩakoima njiarwainĩ cia Daudi,
o ta ũrĩa thuuna ĩthundũkaga gĩtinainĩ kĩa mũtĩ,
kana ta ũrĩa rũhonge ruumaga mũtĩinĩ.
2Atĩrĩĩrĩ, roho wa MWATHANI agaikara thĩinĩ wa mũthamaki ũcio mwerũ,
amũhe ũũgĩ, ũmenyi maũndũ, ũtaarani, na hinya.
Naake mũthamaki ũcio nĩakaamenya ũrĩa MWATHANI eendaga,
na amũtĩĩyage.
3Gwathĩkĩra MWATHANI nĩkuo gũkaamũkenagia,
ndagaatuithanagia maciira abaarĩĩte gĩthiithi kĩa mũndũ,
kana arũmĩrĩire ndeto cia mũhuuhu.
4 #
2Athe 2.8
Agaaciirithagia andũ arĩa athĩĩni na waragania.
Nĩakaagitagĩra ihooto cia andũ arĩa matangĩĩteithia,
na athaane andũ maherithio,
na andũ arĩa meekaga ũũru mooragwo.
5 #
Aef 6.14
Agaathaga andũ aake na waragania
na arũmagĩrĩre kĩhooto.
6 #
Isa 65.25
Hĩndĩ ĩyo njũũi na ng'ondu igaatũũranagia itekũũgitana,
nacio ngarĩ na tũũri twa mbũri ikomage hamwe itekũũrania.
Tũcaũ twa ng'ombe na mĩrũũthi tũkaarĩaga hamwe,
na tũkaarĩithagio nĩ ngeenge.
7Ng'ombe na nduba ikaarĩaga hamwe,
na tũcaũ twacio tũkaarahaga hamwe na thaayũ.
Mĩrũũthi ĩkaarĩaga rũũa o ta ng'ombe.
8Gakenge gagaathaakagĩra irimainĩ rĩa nduĩra,
nako kaana kaniini gaikagie guoko
irimainĩ rĩa nyoka ĩrĩa ĩrĩ thumu mũno.
9 #
Hab 2.14
Kĩrĩmainĩ gĩa Zayuni,
o kĩo kĩrĩma kĩrĩa gĩtheru kĩa Ngai,
gũtigaacooka gũtiihanio kana gwĩkanagwo ũũru.
Bũrũri ũgaakorwo ũiyũirwo nĩ ũmenyo wa MWATHANI
o ta ũrĩa iria rĩiyũire maaĩ.
Andũ arĩa mathaamĩĩtio nĩmakainũka
10 #
Aro 15.12
Hĩndĩ ĩyo mũthamaki ũcio mwerũ kuuma njiarwainĩ cia Daudi akaarũũgamio ta kĩonereria harĩ andũ. Ndũũrĩrĩ igaathiaga itũũrainĩ rĩake rĩrĩa itheru na imũheage gĩtĩĩo.
11Rĩrĩa hĩndĩ ĩyo ĩgaakinya, MWATHANI agaatambarũkia guoko gwake riita rĩngĩ acookanĩrĩrie matigari ma andũ aake amarute Asiria, Misiri, Pathirosi, Ethiopia, Elamu, Babilonia, Hamathu, o na mabũrũriinĩ marĩa maarĩ rũteereinĩ rwa iria. 12MWATHANI nĩagaacuuria bendera ya kuonania kũrĩ ndũũrĩrĩ atĩ, andũ a Isiraeli na a Juda arĩa maahurunjũkĩĩte, nĩaramacookanĩrĩria amarutĩĩte mĩena ĩrĩa ĩna ya thĩ. 13Ũiru nĩũgaathira gatagatĩ ka ũthamaki wa Isiraeli na wa Juda. Ũthamaki wa Juda ndũgaacooka gũtuĩka thũ ya Isiraeli hĩndĩ ĩngĩ. 14Moothamaki macio meerĩ nĩmakaanyiitanĩra mahithũkĩre Afilisiti na mwena wa na ithũĩro, na matahe andũ arĩa matũũraga mwena wa na irathĩro. Ningĩ me hamwe nĩmagaatooria Aedomu na Amoabi, na maathĩkagĩrwo nĩ Aamoni. 15#Kũg 16.12 MWATHANI nĩakoomia Iria Ituune acooke areehithie rũhuuho rũrĩ na ũrugarĩ mũingĩ, rũhũithie rũũĩ rwa Farati gũtigare o tũrũũĩ mũgwanja tũrĩa mũndũ o wothe akaahota kũringa. 16Andũ a Isiraeli arĩa matigarĩĩte bũrũri wa Asiria makaagerera barabara nene makiuma kuo, o ta ĩrĩa maithe maao maagereire makiuma Misiri.
Currently Selected:
Isaia 11: GKN
Highlight
Share
Copy
Want to have your highlights saved across all your devices? Sign up or sign in
Gikuyu Common Language Bible with DC © Bible Society of Kenya, 2014, 2018.
