Mika 3
3
Mot dei griske hovdingane
1Eg sa: Høyr,
de Jakobs hovdingar,
de styresmenn i Israel!
Skulle ikkje de vita
kva som er lov og rett? #Hos 5,1
2Men de hatar det gode
og elskar det vonde.
De flår skinnet av folk
og riv kjøtet av knokane. #Am 5,15
3Dei et kjøtet av folket mitt,
flår skinnet av ¬og knuser beina deira.
Dei breier det ut som i ei gryte,
som kjøtet i ein kjel. #Sal 14,4
4Når dei så ropar til Herren,
svarar han ikkje.
Han løyner sitt åsyn for dei
for deira vonde åtferd skuld. #Jes 1,14f; Jer 11,11; Am 8,12
Mot dei falske profetane
5Så seier Herren ¬om dei profetane
som fører folket mitt vilt,
som forkynner fred og lukke
berre dei får noko å tyggja på,
men lyser heilag krig mot dei
som ikkje gjev dei ¬munnen full: #Jer 6,14; Esek 13,10.16
6Difor skal det koma over dykk
ei natt utan syner
og mørker utan spådom.
Sola skal gå ned for profetane
og dagen svartna ikring dei.
7Då skal sjåarane ¬verta til skammar,
spåmennene stå der ¬med vanære.
Dei skal løyna skjegget, ¬alle saman,
for det kjem ikkje svar ¬ifrå Gud. #3,7 løyna skjegget teikn på sorg og skam.#3 Mos 13,45
8Men eg, eg er full av styrke,
av Herrens Ande, ¬av rett og kraft,
så eg kan tala til Jakob ¬om hans brot,
til Israel om hans synd. #Jes 58,1
Jerusalem og templet skal falla
9Høyr dette, ¬de hovdingar i Jakobs ætt,
de styresmenn i Israel,
de som styggjest ved rettferd
og krøkjer det som er rett, #Am 5,7
10som byggjer Sion ¬med bloddåd
og Jerusalem med urett! #3,10 byggjer Sion med bloddåd Dei fine bygningane er reiste for midel som er vunnen med underkuing og urett. Sml. Am 3,10.15.#Hab 2,12
11Der dømer hovdingen ¬for betaling,
presten tek løn for å læra,
og profeten spår for pengar.
Likevel stør dei seg til Herren ¬og seier:
«Er ikkje Herren ¬midt imellom oss?
Det hender ikkje oss ¬noko vondt.» #Esek 22,26f; Sef 3,3f
12Difor skal Sion ¬– for dykkar skuld –
pløyast som ein åker.
Jerusalem skal verta ¬ei steinrøys
og tempelberget ¬ein skogkledd ås. #Jer 26,11
Currently Selected:
Mika 3: N78NN
Highlight
Share
Copy
Want to have your highlights saved across all your devices? Sign up or sign in
© 1978, 1985 by The Norwegian Bible Society (Det Norske Bibelselskap). All rights reserved worldwide. Used by permission through agreement with UBS (United Bible Societies).
© 1978, 1985 Det Norske Bibelselskap. Alle rettar globalt. Brukt med løyve gjennom avtale med UBS (United Bible Societies).
