2. Peter 3

Herren kjem

1 # 1,13 Dette er alt det andre brevet eg skriv til dykk, mine kjære. Med desse breva ville eg vekkja dykkar reine sinn ved å minna dykk om 2#Jud 17 det dei heilage profetane har sagt, og om det bodet dykkar eigne apostlar har frå Herren og Frelsaren.

3 # 1 Tim 4,1+; Jud 18 Først og fremst skal de vita at i dei siste dagar skal det koma folk som følgjer sine eigne lyster, som spottar 4#Jes 5,19; Esek 12,22; Matt 24,48 og seier: «Kva med lovnaden om at han skal koma att? Fedrane våre er døde, men alt er som det har vore frå verda vart skapt.» 5#1 Mos 1,2.6ff; Sal 24,2 Dei som seier så, gløymer at det frå eldgammal tid var himlar og ei jord som i kraft av Guds ord vart til av vatn og ved vatn. 6#1 Mos 7,11ff; 2 Pet 2,5 Og ved det gjekk verda den gongen under då ho vart overfløymd med vatn. 7Men dei himlar og den jord som no er, er i kraft av det same ordet sparte til elden. Dei blir haldne oppe til dommens dag, då dei gudlause skal gå under.

8 # Sal 90,4 Men ein ting må de ikkje gløyma, mine kjære: For Herren er éin dag som tusen år, og tusen år som éin dag. 9#Hab 2,3; 1 Tim 2,4; Hebr 10,37; 1 Pet 3,20 Det er ikkje rett, det somme meiner, at Herren er sein med å oppfylla lovnaden. Nei, han er tolmodig med dykk og vil ikkje at nokon skal gå tapt, men at alle skal nå fram til omvending.

10 # Matt 24,29+.43+; 1 Kor 1,8; Op 20,11 Men Herrens dag skal koma som ein tjuv. Då skal himmelen forgå med eit drønn, elementa skal koma i brann og løysa seg opp, og jorda og alle gjerningane som er gjorde på jorda, skal koma fram i lyset.

11Når alt skal gå i oppløysing på dette viset, kor heilagt og gudfryktig må de ikkje då leva 12medan de ventar på at Guds dag skal koma, og skundar han fram. Då skal himlane løysa seg opp i eld og elementa brenna og smelta. 13#Jes 65,17; 66,22; Matt 19,28; Op 21,1.27 Men etter hans lovnad ventar vi på ein ny himmel og ei ny jord, der rettferd bur.

14 # 1 Kor 1,7f; Jud 24 Difor, mine kjære: Medan de ventar på dette, må de leggja vinn på å bli ståande for han med fred, utan flekk og lyte. 15#Rom 2,4; 2 Pet 3,9 Og Herrens tolmod skal de sjå som eit høve til frelse. Det same har vår kjære bror Paulus skrive til dykk, ut frå den visdomen han har fått. 16Om dette talar han i alle dei brev der han kjem inn på desse spørsmåla. Det er noko der som er vanskeleg å skjøna, og dei ukunnige og veike forvrengjer det, slik dei òg gjer med dei andre skriftene, og det fører til deira eigen undergang.

17 # Mark 13,5.23 Sjølv om de alt veit dette, mine kjære, så ta dykk i vare. Lat dykk ikkje riva med og føra vill av dei lovlause, så de mistar fotfestet. 18#Ef 4,13 De skal veksa i nåden og i kjennskapen til vår Herre og frelsar Jesus Kristus. Han vere ære, no og til den evige dagen! Amen.

Currently Selected:

2. Peter 3: N11NN

Highlight

Copy