مرقوس 13
13
گله‌جک باره‌ده
(متّا 24:1-28، لوقا 21:5-24)
1عئسا معبددن چیخاندا شاگئردلرئندن بئری اونا ددی: «اوستاد باخ! نه بؤیوک داشلار، نه عظمتلی عئمارتلر!»
2عئسا اونا ددی: «بو بؤیوک عئمارتلری گؤرورسن؟ اونلارین داشی، داش اوسته قالمایاجاق. هامیسی ییخیلاجاقدیر.»
3عئسا، زیتون داغیندا، معبدئن قاباغیندا اوتورموشدو کی، پطروس، یعقوب، یوحنّا، و آندریاس آیریجا اوندان سوروشدولار: 4«بئزه ده گؤرک بو ائشلر نه زامان اولاجاق؟ نه علامت وار کی، بئزه بونلارین عنقرئب تامام اولاجاغینی گؤرسدسئن؟»
5عئسا دا اونلارا دمه‌یه باشلادی: «دئقّتلی اولون کی، کئمسه سئزی آزدیرماسین. 6چوخ آداملار منئم آدیمدا گله‌جکلر و ”من اویام“ دیئب، چوخ آداملاری آزدیراجاقلار. 7جنگلر و موحارئبه‌لر خبرلرئنی اشئتدئیئنئز زامان، اوره‌یئنئز اوزولمه‌سئن. بونلارین اولماسی گرکدئر، آنجاق حله آخیر دیئل. 8چونکی مئلّت، مئلّت اوستونه و مملکت، مملکت اوستونه قالخاجاق. چوخ یرلرده زلزله‌لر اولاجاق، آجلیق دوشه‌جک، بونلار سانجی‌لارین باشلانیشی‌دیر. 9لاکئن سئز آییق اولون. سئزی محکمه‌لره وره‌جکلر، کنئسه‌لرده دؤیوله‌جکسئنئز و منه گؤره، سئز حؤکمدارلار و پادشاهلار قاباغیندا دوراجاقسینیز کی، اونلارا شهادت اولسون. 10اوّلجه خوش خبرئن بوتون مئلّتلره یتئشمه‌سی گرکدئر. 11سئزی توتوب تسلئم اتدئکلری زامان، نه دئیه‌جه‌یئنئزئن باره‌سئنده نئگاران اولمایین. او ساعاتدا سئزه نه ورئلسه، اونو دیئن. چونکی دانیشان سئز یوخ، موقدّس روحدور. 12قارداش قارداشی، و آتا اؤولادی اؤلومه وره‌جک. و اؤولادلار آتا-آنانین ضئدّئنه قالخیب، اونلاری اؤلدوره‌جکلر. 13منئم آدیما گؤره هامی سئزدن نئفرت اده‌جک. لاکئن آخیرا کئمی دایانان نئجات تاپاجاق. 14دانیال پیغمبرئن یازدیغی کئمی، وئرانه‌لئک گتئرن ائیرنج شیئن لایئق اولمایان یرده دوردوغونو گؤردویونوز زامان،#13:14 دانیال ۹:۲۷، ۱۱:۳۱، ۱۲:۱۱ یهودئیه‌ده اولانلار داغلارا قاچسینلار. 15دامدا اولان آشاغی انئب بئر شی گؤتورمک اوچون اِوئنه گئرمه‌سئن. 16زمئده اولان عباسینی گؤتورمک اوچون دالی قاییتماسین. 17وای او گونلرده بویلو و اَمزئکلی اولانلارین حالینا! 18دوعا ادئن کی، قاچماغینیز قیشا راستلاماسین. 19چونکی او گونلرده اله موصئبت اولاجاق کی، تارینین یاراتدیغی کائناتین باشلانیشیندان ائندئیه قدر اونون کئمی نه اولوب، نه ده اولاجاق. 20اگر رب او گونلری قیسالتماسایدی، هچ بئر ائنسان خئلاص اولا بئلمزدی. آمّا سچدئیی سچئلمئشلرئن خاطئری اوچون او گونلری قیسالتدی. 21اگر او زامان کئمسه دسه: ”باخ، مسئح بورادا.“ و یا ”باخ، اورادا!“، اونا ائنانمایین. 22چونکی یالانچی مسئحلر و یالانچی پیغمبرلر ظوهور اده‌جکلر و اله علامتلر و مؤجوزه‌لر گؤرسده‌جکلر کی، مومکون اولسا، سچئلمئشلری ده آزدیرسینلار. 23آمّا سئز دئقّتلی اولون! سئزه هر شیی اوّلجه‌دن خبر وردئم.
24”لاکئن او گونده، او موصئبتدن سونرا،
گونش قارالاجاق،
آی ائشیغینی ورمه‌یه‌جک.
25اولدوزلار گؤیدن دوشه‌جکلر،
و گؤیلرده اولان قودرتلر اسه‌جکلر.“#13:25 اِشَعیا ۱۳:۱۰ و ۳۴:۴
26او زامان ائنسان اوغلونون بؤیوک عئزّت و قودرتله بولودلاردا گلدئیئنی گؤره‌جکلر. 27ائنسان اوغلو او واخت ملکلرئنی گؤندَ‌ره‌جک و اؤز سچدئکلرئنی دؤرد طرفدن، یرئن اوجوندان گؤیون اوجونا قدر، ییغاجاق.
28ائندی مثلی انجئر آغاجیندان اؤیره‌نئن: اونون بوداقلاری تزه‌له‌نئب یارپاقلاری چیخان زامان، یایین یاخین اولدوغونو آنلاییرسینیز. 29اِله‌جه سئز ده بو شیلرئن باش وردئیئنی گؤرنده، بئلئن کی، او یاخیندیر، لاپ قاپیدادیر. 30دوغروسونو سئزه دیئرم؛ بوتون بونلار باش ورمه‌دن بو نسئل کچمه‌یه‌جک. 31دوغروسونو سئزه دیئرم؛ گؤی و یر کچئب گده‌جک، لاکئن منئم سؤزلرئم اصلا کچئب گتمه‌یه‌جک. 32آمّا او گونو و او ساعاتی نه گؤیده‌کی ملکلر بئلئر، نه ده اوغول اؤزو. آتادان باشقا هچ کئم بئلمئر. 33دئقّتلی و اویاق اولون! چونکی او واختین نه زامان اولدوغونو بئلمئرسئنئز. 34بو، قوربَته گدن بئر آدامین وضعئنه بنزه‌ر. اِوئندن آیریلان واخت، اِوئنئن ائختئیارینی نؤکرلرئنه ورئب، هره‌یه اؤز ائشئنی تاپشیردی و قاپیچی‌یا دا امر اتدی کی، اویاق قالسین. 35سئز ده اویاق قالین، چونکی اِو صاحئبئنئن نه واخت گله‌جه‌یئنی بئلمئرسئنئز. بئلمئرسئنئز آخشام گله‌جک و یا گجه یاریسی، خوروزلارین بانلادیغی واخت گله‌جک و یا سحر. 36یوخسا قفلتن گلئب، سئزی یوخودا تاپار. 37سئزه ددئکلرئمی هر کسه دیئرم: اویاق قالین.»
Currently Selected:
مرقوس 13: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
