متّا 12
12
سبّت گونو حاقّیندا سوآل
(متّا 2:23-3:6، لوقا 6:1-11)
1او زامان عئسا سبّت گونو اکئن زمئلرئندن کچئردی. شاگئردلری آج ائدئلر و سونبول‌لری درئب یمه‌یه باشلادیلار. 2لاکئن فرئسئلر بونو گؤرن زامان اونا ددئلر: «باخ، شاگئردلرئن سبّت گونو جائز اولمایان ائشی گؤرورلر.»
3عئسا اونلارا ددی: «مگر اوخوماییبسینیز کی، داوود نه اتدی او زامان کی، هم اؤزو آج ائدی، هم ده اونونلا اولانلار؟ 4نجه تارینین اِوئنه گئردی و پروردئگارا تقدئم اولموش چؤرکلری یدئلر. حال بو کی، بونلاری یمه‌یه نه اؤزونون حاقّی وار ائدی نه ده اونونلا اولانلارین؟ بونو آنجاق کاهئنلر اده بئلردئلر. 5و یا شرئعت کئتابیندا اوخوماییبسینیز کی، کاهئنلر معبدده سبّتی پوزورلار، لاکئن گوناهکار ساییلمیرلار؟ 6آمّا سئزه دیئرم کی، بورادا معبددن داها افضل بئری وار. 7لاکئن سئز اگر بو کلامین معناسینی بئلسَیدئنئز کی، دیئر: ”من قوربان یوخ، مرحمت ائسته‌یئرم“#12:7 هوشَع ۶:۶، تقصئرسئزلری محکوم اتمزدئنئز. 8چونکی ائنسان اوغلو سبّت گونونون ده صاحئبی‌دئر.»
9عئسا اورادان گدئب، اونلارین کنئسه‌لرئنه گئردی. 10اورادا اَلی قوروموش بئر آدام وار ائدی. عئسایا بؤهتان وورماق اوچون اوندان سوروشدولار: «آیا سبّت گونو شفا ورمک جائزدئر؟»
11عئسا دا اونلارا ددی: «سئزلردن کئم وار کی، بئرجه قویونو اولسون و قویون سبّت گونو چوخورا دوشسون و آدام اونو توتوب چیخارتماسین؟! 12ائنسان قویوندان داها افضلدئر. بونا گؤره سبّت گونو یاخشیلیق اتمک جائزدئر.»
13او واخت عئسا اَلی قوروموش آداما ددی: «الئنی اوزات.» آدام الئنی اوزاتدی و او ال، او بئری اَلی کئمی صاغ اولدو. 14لاکئن فرئسئلر چؤله چیخیب، مصلحتلشدئلر کی، عئسانی نجه هلاک اتسئنلر.
تارینین سچدئیی قول
15عئسا بونو بئلئب، اورادان اوزاقلاشدی. اونون دالینجا چوخ آدام گتدی و عئسا اونلارین هامیسینا شفا وردی. 16و اونلارا جئدّی تاپشیردی کی، اونون کئم اولدوغونو بئلدئرمه‌سئنلر. 17اله کی، اِشَعیا پیغمبرئن واسئطه‌سئله دیئلمئش سؤز یرئنه یتئشسئن:
18«بودور منئم سچدئیئم قول؛
منئم سوگئلئم کی،
جانیم اوندان راضی‌دیر.
روحومو اونون اوستونه قویاجاغام،
و او، مئلّتلره عدالتی اعلان اده‌جک.
19او، نه ساواشاجاق،
نه ده چیغیراجاق،
و هچ کئم کوچه‌لرده اونون سسئنی اشئتمه‌یه‌جک.
20ازئلمئش قامیشی قیرمایاجاق،
توستوله‌نن پئلته‌نی سؤندورمه‌یه‌جک
و آخیریندا عدالتی ظفره چاتدیراجاقدیر.
21و خالقلار اونون آدینا اومئد باغلایاجاقلار.»#12:21 اِشَعیا ۴۲:۱-۴
عئسا و بعلزبول
(مرقوس 3:20-30، لوقا 6:43-45، 11:14-23)
22او واخت ائبلئس الئنده اسئر اولموش کور و لال بئرئنی عئسانین یانینا گتئردئلر و عئسا اونا شفا وردی. اِله کی، کور و لال اولان بو آدام، هم گؤرمه‌یه هم ده دانیشماغا باشلادی. 23بوتون خالق حیرته گلئب ددی: «آیا بو، داوود اوغلو دیئل؟!»
24آمّا فرئسئلر بونو اشئدن واخت ددئلر: «بو آدام ائبلئسلری، آنجاق ائبلئسلرئن ریئسی بعلزبولون گوجو ائله قووور.»
25عئسا اونلارین فئکئرلرئنی بئلئب، اونلارا ددی: «اؤز ائچئنده بؤلونموش هر سلطنت وئران اولار؛ اؤز ائچئنده بؤلونموش هچ بئر شهر و اِو ده داوام گتئرمز. 26اگر شیطان شیطانی قووسا، اؤز ائچئنده بؤلونموش اولور؛ بس اونون سلطنتی نجه داوام گتئرر؟ 27اگر من ائبلئسلری بعلزبولون گوجو ائله قووورام، بس سئزئن آداملارینیز کئمئن گوجو ائله قووورلار؟ اونا گؤره ده، سئزه حؤکم ادن اونلار اولاجاقلار. 28آمّا اگر من ائبلئسلری تارینین روحو ائله قووورام، دمه‌لی تارینین پادشاهلیغی سئزه یتئشئب. 29بئر آدام قووّتلی بئرئنئن اِوئنه گئرئب، اونون مالینی نجه اوغورلایا بئلر؟ مگر اوّل اونون قوللارینی باغلاسین. او زامان اِوئنی اوغورلایا بئلر.
30منئمله اولمایان منئم ضئدّئمه‌دئر و منئمله ییغمایان داغیدیر. 31بونا گؤره سئزه دیئرم: ائنسانلارین هر گوناه و کوفرو باغیشلانار، لاکئن موقدّس روحون ضئدّئنه دیئلن کوفر باغیشلانماز. 32کئم ائنسان اوغلونون ضئدّئنه دانیشسا، باغیشلانار؛ آمّا کئم موقدّس روحون ضئدّئنه دانیشسا، نه بو عالمده باغیشلانار، نه ده گله‌جکده.
33آغاجی یاخشی اِدئن، میوه‌سی ده یاخشی اولار، و یا آغاجی پئس ادئن، میوه‌سی ده پئس اولار؛ چونکی آغاج میوه‌سئندن تانینار. 34ای افعئلر نسئلی، سئز پئس اولدوغونوز حالدا، نجه یاخشی شیلر دانیشا بئلرسئنئز؟! چونکی آغیز اورَکدن داشانی دانیشیر. 35یاخشی آدام یاخشیلیق خزئنه‌سئندن یاخشی شیلر چیخاردیر؛ و پئس آدام پئسلئک خزئنه‌سئندن پئس شیلر چیخاردیر. 36آمّا سئزه دیئرم: قئیامت گونونده ائنسانلار، دانیشدیقلاری هر بوش سؤز اوچون حساب وره‌جکلر. 37چونکی اؤز سؤزلرئنئزه گؤره بوراخیلاجاقسینیز، و اؤز سؤزلرئنئزه گؤره ده محکوم اولاجاقسینیز.»
یونوسون علامتی
(مرقوس 8:11-12، لوقا 11:24-26، 29-32)
38او زامان دئن عالئملری و فرئسئلردن بعضئلری ددئلر: «اوستاد، ائسته‌یئرئک کی، سندن بئر علامت گؤرک.»
39عئسا جاوابیندا اونلارا ددی: «پئس و زئناکار نسئل بئر علامت آختاریر؛ لاکئن اونا یونوس پیغمبرئن علامتئندن باشقا هچ بئر علامت ورئلمه‌یه‌جک. 40چونکی نجه یونوس اوچ گون-اوچ گجه نهنگئن قارنیندا قالدی، ائنسان اوغلو دا اوچ گون-اوچ گجه یرئن ائچئنده اِله قالاجاق. 41نینوانین خالقی قئیامت گونونده بو نسلله قالخاجاق و اونو محکوم اده‌جک. چونکی اونلار یونوسون وعظی ائله تؤوبه اتدئلر؛ و باخ ائندی، یونوسدان داها بؤیوکو بورادادیر. 42جنوب ملکه‌سی قئیامت گونونده بو نسلله قالخاجاق و اونو محکوم اده‌جک. چونکی او، دونیانین او باشیندان گلدی کی، سولیمانین حئکمتلی سؤزلرئنی اشئتسئن؛ و باخ ائندی، سولیماندان داها بؤیوکو بورادادیر.
43ناپاک روح، آدامدان چیخاندان سونرا، قورو یرلرده دولانیب راحاتلیق آختارار، لاکئن تاپماز. 44او زامان دئیر: ”چیخدیغیم اِوئمه دؤنوم.“ و گلدئیی واخت اونو بوش، سوپورولموش، و بزنمئش تاپار. 45او زامان گِدَر، اؤزوندن داها پئس اولان یدّی اؤزگه روحو اؤزو ائله گتئرر و اورایا گئرئب، یاشایارلار؛ و او آدامین آخیر حالی اوّلکئندن داها پئس اولار. بو پئس نسئله ده بله اولاجاق.»
46عئسا خالقا حله دانیشیردی کی، آناسی و قارداشلاری اشئکده دوروب، اونونلا دانیشماق ائسته‌دئلر. 47و بئری عئسایا ددی: «باخ، آنان و قارداشلارین چؤلده دوروبلار و ائسته‌یئرلر کی، سنئنله دانیشسینلار.»
48لاکئن عئسا بو سؤزو دئین آداما جاواب ورئب ددی: «منئم آنام و قارداشلاریم کئملردئر؟» 49و الئنی شاگئردلرئنه طرف اوزادیب ددی: «باخین، منئم آنام و قارداشلاریم! 50چونکی کئم منئم گؤیلرده اولان آتامین ائراده‌سئنی یرئنه یتئرسه، منئم قارداشیم، باجیم، و آنام دا اودور.»
Currently Selected:
متّا 12: موقدس کتاب
Highlight
Share
Copy
Want to have your highlights saved across all your devices? Sign up or sign in
© Elam Ministries 2013. All rights reserved.
